Read Mizo_Old_version Sam 29 Bible Online

Sam 29 - Mizo_Old_version bible

Sam 29

¹Aw, mi thiltithei tak fate u, LALPA hnênah pe ula; LALPA hnênah chuan ropuina leh chakna pe rawh u.

² LALPA hnênah a hming ropuina chu pe ula; Thianghlim mawina inbelin LALPA chu chibai bûk rawh u.

³ LALPA aw chu tui chungahte chuan a ri a; Ropuina Pathian chu a lo ri dur dur a, LALPA ngei chu tui tam tak chungahte a lo ri a.

⁴ LALPA aw chu thiltithei tak a ni a; LALPA aw chu ropui tak a ni.

⁵ LALPA aw chuan sidar thingte chu a titliak ang a; A ni, LALPA chuan Lebanon tlânga sidar thingte chu a titliak seng sung ṭhîn.

⁶Bâwngno tualchai angin a chêttîr ṭhîn a; Lebanon leh Sirion tlângte chu seleno ang maiin.

⁷ LALPA aw chuan meialhte a phel ṭhîn.

⁸ LALPA aw chuan thlalêr a nghawr nghîng a; LALPA chuan Kadesh thlalêr chu a tinghîng ṭhîn.

⁹ LALPA aw chuan zukpuite chu no a chhiattîr a, Ngawpui thing hnahte chu a nuai kawlh vek ṭhîn; A biak inah chuan thil engkimin, “A ropui e,” an ti ṭheuh ṭhîn.

¹⁰ LALPA chu Tuilêt lai khân lalah a ṭhu a, A ni, LALPA chu kumkhua atân lalah a ṭhu a ni.

¹¹ LALPA chuan a mite hnênah chakna a pe ang a, LALPA chuan a mite chu thlamuannain mal a sâwm ang.