Read Mizo_Old_version Sam 3 Bible Online

Sam 3 - Mizo_Old_version bible

Sam 3

¹ LALPA, mi dotute hi an va pung ta êm! Mi beitute hi tam tak an ni.

²Ka chungchâng thu an sawi a, “Pathianin a pui lo vang,” an ti a. (Selah)

³Nimahsela, aw LALPA, nang chu ka vêlin ka phaw i ni a; Ka ropuina leh ka lu dâwm kângtu i ni e.

⁴Ka awin LALPA chu ka au va, A tlâng thianghlim aṭangin mi chhâng ṭhîn a. (Selah)

⁵Kei zawng ka mu chu ka lo muhîl ta a; Ka han harh leh a, LALPA chuan mi lo chelh reng ṭhîn a ni.

⁶Mi dova, mi hual vêltu, Mi sîngkhat pawh hi ka hlau lo vang.

⁷Aw LALPA, tho la, aw ka Pathian, mi chhandam rawh; Mi dotute zawng zawng chu an biangruhah i vaw si a; Mi suaksualte hâ chu i tibal a.

⁸Chhandamna chu LALPA ta a ni. I malsâwmna chu i mite chungah awm rawh se. (Selah)