Read Mizo_Old_version Sam 4 Bible Online

Sam 4 - Mizo_Old_version bible

Sam 4

¹Aw ka felna Pathian, ka koh hun che chuan mi chhâng ang che; Ka manganin nangin mi tithawveng ṭhîn a: Mi khawngaih la, ka ṭawngṭaina hi mi ngaihthlâksak ang che.

²Aw mihring fate u, ka ropuina hi eng chen nge mualphonaa in chantîr dâwn? Eng chen nge thil engmahlo hi in ngainat anga, dâwt thu in zawn dâwn? (Selah)

³ LALPA chuan Pathian ngaihsak mi chu ama tân a dah hrang tih hi hre zâwk rawh u; LALPA chuan ka koh apiangin a lo ngaithla ang.

⁴Hlau ula, thil tisual suh u; In khumlaizâwlah chuan in thinlungin inngaihtuah ula, ngawi ṭhiap rawh u. (Selah)

⁵Felna inthawinate chu hlân ula, LALPA chu ring rawh u.

⁶“Ṭhatna rêng rêng tuin nge mi hmuhtîr ta ang le?” titute chu tam tak an awm. LALPA, nang ngeiin i hmêl êng khân mi han ên ang che.

⁷An buh leh an uain lo hlâwk chânga an lâwmna aia Lâwmna nasa zâwk ka thinlungah hian i awmtîr a.

⁸Thlamuang takin ka mu ang a, ka muhîl bawk ang; LALPA, nangmah ngei hi a ni, Mahni chauh pawha him taka mi awmtîr ṭhîn hi ni.