Read Mizo_Old_version Sam 47 Bible Online

Sam 47 - Mizo_Old_version bible

Sam 47

¹Aw, mi tinrêngte u, in kut bêng ula; Hlimna awin Pathian hnênah au rawh u.

² LALPA Chungnungbera chu a hlauhawm si a; Lei chung zawng zawnga Lal ropui tak a ni.

³Ani chuan mi tin chu kan hnuaiah a tudawl ang a, Hnam tin chu kan ke hnuaiah a tudawl bawk ang.

⁴Ani chuan kan ro luah tûr chu min thlansak ang, A hmangaih Jakoba chhuan ber ram chu. (Selah)

⁵Pathian chu au thâwm nên a chho va, LALPA chu tawtawrâwt ri nên a chho ta e,

⁶Pathian fakin zai ula, fakin zai rawh u; Kan Lalber fakin zai ula, fakin zai rawh u.

⁷Pathian chu khawvêl zawng zawng Lal a ni si a; Hre thiama fakin zai rawh u.

⁸Pathian chu hnam tin chungah lalah a ṭhu a; Pathian chu a lalṭhutphah thianghlimah chuan a ṭhu a.

⁹Abrahama Pathian mite ni tûrin, Mi tin zînga mi liante chu an awm khâwm a; Leilung phawte chu Pathian ta a ni si a; Ani chu nasa taka chawimawiin a awm.