Read Mizo_Old_version Sam 48 Bible Online

Sam 48 - Mizo_Old_version bible

Sam 48

¹ LALPA chu a ropui a, nasa taka fak tûr a ni, Kan Pathian khawpuiah, a tlâng thianghlimah chuan.

²A sânziaa mawi tak, khawvêl zawng zawng hlimna chu, Zion tlâng chu a ni, hmâr lam panga Lal ropui tak khawpui chu.

³A lal inahte chuan Pathianin kulhbîng sâng a nih a inhriattîr a.

⁴Ngai teh, lalte chu an inpun khâwm a, An lo kal a.

⁵An hmu a; tichuan, mak an ti a; An mangang a, an kal bo ta thuai a.

⁶Chutah chuan khurhnain a man a, Hmeichhe nau vei natna angin a man bawk a.

⁷Khawchhak thlîin Tarsis lawng liante chu i tichhe ṭhîn a.

⁸Sipaihote LALPA khawpuiah, kan Pathian khawpuiah chuan, Benga kan hriat ang ngeiin kan hmu ta: Pathianin chu khawpui chu kumkhua atân a tinghet ang. (Selah)

⁹Aw Pathian, i biak in chhûngrilah chuan I ngilneihzia hi kan ngaihtuah tawh.

¹⁰Aw Pathian, i hming ang ngeiin i fakna chu kâwlkil thlengin a awm a; I kut ding lam chu felnain a khat a ni.

¹¹I rorêlnate avângin Zion tlâng chu lâwm takin awm sela, Juda fanute chu hlim takin awm rawh se.

¹²Zion chu vêlin kal hual ula; a râlvên in sângte pawh chhiar rawh u.

¹³A kulhte chu chhinchhiah ngun ula, A lal inte chu ngaihtuah rawh u; Ṭhangthar lo awm lehte hnênah in hrilh theih nân.

¹⁴He Pathian hi kumkhaw tlaitluana kan Pathian a ni dâwn si a: Thih thleng pawha min hruaitu a ni ang.