Read Mizo_Old_version Sam 52 Bible Online

Sam 52 - Mizo_Old_version bible

Sam 52

¹Aw mi chak, engati nge thil tihsual i chhuan ni? Pathian ngilneihna chu a awm fo ṭhîn a ni.

²I leiin thil sual tak tih a suangtuah ṭhîn; bakmeh chem hriam tak bum hmang ang hian.

³Ṭha aiin sual i ngaina zâwk a; Felna thu sawi aiin dâwt thu sawi i ngaina zâwk bawk a. (Selah)

⁴Aw, nang lei mi bum hmang, Thu mi lem zo thei zawng zawng chu i ngaina ṭhîn.

⁵Pathianin kumkhua atân a tichhe ve ang che, A man ang chia, i awmna aṭangin a hnûk chhuak ang chia, Mi nung ram ata hi a pawt chhuak daih ang che. (Selah)

⁶Mi felte pawhin an hmuin an hlau vang a; An nuihsan ang,

⁷“En teh u, he mi hi a ni, Pathian a kulhbînga siam duh lova, A hausakna nasa tak ring zâwka, A sualnaa intichak vei chu ni,” tiin.

⁸Kei erawh zawng Pathian ina olive thing chawr duah hluah ang ka ni; Pathian ngilneihna chu kumkhaw tlaitluanin ka ring ang.

⁹Chu chu i tih avângin, kumkhuain lâwm thu ka hrilh fo vang che; I mi thianghlimte mit hmuhah chuan i hming chu ka nghâk reng ang, a ṭha si a.