Read Mizo_Old_version Sam 54 Bible Online

Sam 54 - Mizo_Old_version bible

Sam 54

¹Aw Pathian, i hmingin mi chhandam la, I chaknain ro mi rêl ang che.

²Aw Pathian, ka ṭawngṭaina hi ngaithla la; Ka kâa thu chhuakahte hian beng lo chhi ang che.

³Mikhualte chuan mi bei ta si a. Mi nunrâwngten ka nunna hi tihbo tumin an zawng bawk a; Pathian chu an hmaah an dah lo. (Selah)

⁴Ngai teh, Pathian chu mi ṭanpuitu a ni a; LALPA chu ka nunna chelhtute zînga mi a ni.

⁵Ani chuan sualna chu ka hmêlmate chûngah a thungrûl ang; Nangin anni chu i thutakna avâng chuan tiboral ang che.

⁶Mahni duh thua thilhlanin i hnênah ka inthawi ang a; Aw LALPA, i hming chu ka fak ang, a ṭha si a.

⁷Ka manganna zawng zawngah chuan mi chhanchhuak ta si a; Mi dotute chunga ka duhthusâm thleng chu ka mitin a hmu ta a ni.