Read Mizo_Old_version Sam 6 Bible Online

Sam 6 - Mizo_Old_version bible

Sam 6

¹Aw LALPA, thinurin mi zilhhau suh la, Thinrimin mi thunun hek suh ang che.

²Aw LALPA, mi khawngaih ang che, ka chau zo ta si a; Aw LALPA, mi tidam ang che, ka ruhte hi a na vek si a.

³Ka nunna pawh a mangang êm êm bawk a ni; Aw LALPA, nangin eng chen nge mi thlahthlam dâwn le aw?

⁴Aw LALPA, lo kîr leh la, ka nunna chhanhim la; I ngilneihna avângin mi chhandam ang che.

⁵Thih hnu chuan nangmah hriat rengna a awm si lo va; Seol-ah tuin nge lâwm thu hrilh dâwn che?

⁶Ka rûmna lamah ka chau ta; Zan tin ka mutna chu mittuiin a huh a; Ka khum chu ka mittuiin ka tihuh ṭhîn.

⁷Hmuh pawh ka hmu thei ta lo; Hmêlma avângin ka ṭap a, ka mit pawh a thim zo ta.

⁸Nangni thil tisualtu zawng zawngte u, mi kalsan vek rawh u; LALPAN ka ṭap thâwm a hre tawh si a,

⁹ LALPAN khawngaih ka dîlna chu a ngaithla tawh a; LALPAN ka ṭawngṭaina chu a lâwm ang.

¹⁰Mi dotute zawng zawng chu an mualphovin an mangang êm êm ang a; An kîr leh ang a, Vawilehkhatah an la mualpho thut ang.