Read Mizo_Old_version Sam 60 Bible Online

Sam 60 - Mizo_Old_version bible

Sam 60

¹Aw Pathian, nangin min thlauthla a, min tichhia a; I lo thinur ta a; aw, min tung ding leh ang che.

²He ram hi i tikhûr a; i tikhi ta a; A kakte chu siam ṭha leh ang che; a nghîng a nghîng si a.

³I mite hi thil khirh takte i tawhtîr a; Paina uain chu min intîr ta a.

⁴Nangmah ṭihtute hnênah chuan puanzâr i pe ta a, Thutak avânga zâr a nih theih nân. (Selah)

⁵I duh takte hi chhanhima an awm theih nân, I kut ding lamin chhandam la, min chhâng ang che.

⁶Pathianin a thianghlimnaah chuan heti hian a sawi a: “Ka hlim ang a; Sekem khua chu ka sem ang a, Sukkoth ruam chu ka sem darh bawk ang.

⁷Gilead ram chu ka ta a ni a, Manase ram pawh ka ta a ni; Ephraim ram pawh chu ka lu humhimna a ni a; Juda ram chu ka laltiang a ni.

⁸Moab ram chu ka insilna bêl a ni a; Edom ramah chuan ka pheikhawk ka paih ang; Philistia ram, nang chu keimah avâng hian au ta che,” tiin.

⁹Khawpui nghet takah chuan tuin nge mi hruai lût ang? Edom ramah chuan tuin nge mi hruai ang?

¹⁰Aw Pathian, nangmah ngeiin min thlauthla a ni lâwm ni? Aw Pathian, kan sipaihote hnênah lah i chhuak ve ta si lo.

¹¹Dotute bei tûrin min ṭanpui ang che, Mihring ṭanpuina chu engmahlo mai mai a ni si a.

¹²Pathian zârah huai takin kan ti ang, Ani chu min dotute rap bettu tûr a ni si a.