Read Mizo_Old_version Sam 63 Bible Online

Sam 63 - Mizo_Old_version bible

Sam 63

¹Aw Pathian, nang chu ka Pathian i ni a; zîng takah ka zawng ang che; Ram ro chau tak, tui awm lohnaah hian Ka nunna hi nangmah châkin a tuihâl a, ka tisa hian a ngai che a ni.

²Chutiang bawkin hmun thianghlimah chuan ka en reng che kha, I thiltihtheihna leh i ropuina hmu tûrin.

³I ngilneihna hi nunna aia a ṭhat zâwk avângin, Ka hmui hian a fak ang che.

⁴Chutiang bawkin ka dam chhûng zawngin ka fak ang chia; I hmingin ka kutte ka phar ang.

⁵Ka nunna hi thlîng leh thauva tlai angin a tlai ang a; Ka kâ hian hlim hmui puin a fak bawk ang che;

⁶Ka khumlaizâwla ka hriat reng chia, Zâna i chungchâng thu ka suangtuah lai chuan.

⁷Nang chu mi ṭanpuitu i ni si a, I thla hnuaiah chuan hlimin ka zai dâwn a ni.

⁸Ka nunna hian a zui tlat chia; I kut ding lamin mi kai ṭhîn.

⁹Ka nunna tihbo tuma zawngtute erawh chu lei hmun hnuaihnungahte chuan an lût ang.

¹⁰Khandaih thiltihtheihna hnênah pêk an ni ang a; Sihalte chan an ni tawh ang.

¹¹Lal erawh chu Pathianah a hlim ang a; Amah chhâla chhechham apiang chuan an chhuang ang; Dâwt thu sawi hmang kâte chu hupin a awm dâwn si a.