Read Mizo_Old_version Sam 64 Bible Online

Sam 64 - Mizo_Old_version bible

Sam 64

¹Aw Pathian, ka mangan thu-ah hian ka aw hi lo hria la; Dotute hlauhawmna lakah hian ka nunna humhim ang che.

²Thil ṭha lo titute inrâwn rûkna lakah mi thukru ang che, Thil tisualtute inhâwr khâwmho lakah chuan:

³Chûngte chuan khandaih angin an lei an tât hriam a, Mi sawisêl bo chu hmun fianriala an kah theihna tûrin an thal, thu khâte chuan an tin a; Hlau lovin vawilehkhatah an kâp nghâl thut ṭhîn.

⁵Thil sual tih kawngah an infuih a; Thang a rûka kam thu-ahte an inbe ṭhîn a; “Tuin nge chûng chu hmu ang?” an ti a.

⁶Khawlohna an zawng chhuak ṭhîn a; “Ṭhahnemngai takin kan zawng zo ta,” an ti a; An chhûng lam ngaihtuahna leh thinlung chu thûk tak a ni ṭheuh nghâl a.

⁷Nimahsela, Pathianin anmahni a kâp ang a; Vawilehkhatah thala hliamin an awm ang.

⁸Chutiang chuan, anmahni lei ngei chuan anmahni a do avângin, tihpetekin an awm ang a; Anmahni hmu apiangin an lu an thing ang.

⁹Tichuan, mi zawng zawngin an hlau vang a; Pathian hnathawh chu an hril ang a, A thiltih chu fing takin an ngaihtuah ang.

¹⁰Mi felte chu LALPA-ah an lâwm ang a, amahah chuan rinna an nghat ang a; Thinlung dik tak pu zawng zawngte chuan an chhuang ang.