Read Mizo_Old_version Sam 67 Bible Online

Sam 67 - Mizo_Old_version bible

Sam 67

¹Pathianin min khawngaih sela, mal min sâwm sela, A hmêl chu kan chungah rawn êntîr rawh se; (Selah)

²I kawng chu lei chunga mi hriat a nih theiha, I chhandamna chu hnam tinrêng zîngah hriat a nih theih nân.

³Aw Pathian, mi tinin fak che rawh se; Mi tinrêngte chuan fak che rawh se.

⁴Aw, hnam tin chu lâwm taka awmin, hlimin zai rawh se! Nangin mi tin chu thlei bîk nei lova ro rêlsakin, Lei chunga hnam tin chu i awp dâwn si a. (Selah)

⁵Aw Pathian, mi tinin fak che rawh se; Mi tinrêngte chuan fak che rawh se.

⁶Lei hian a thil ṭo chu a pe a; Pathian-keimahni Pathian ngei chuan mal min sâwm ang.

⁷Pathianin mal min sâwm ang a; Kâwlkila mi zawng zawng pawhin amah an ṭih ang.