Read Mizo_Old_version Sam 70 Bible Online

Sam 70 - Mizo_Old_version bible

Sam 70

¹Aw Pathian, mi chhanhim tûrin hmanhmawh la; Aw LALPA, mi ṭanpui tûrin hmanhmawh ang che.

²Ka nunna tihbo tuma zawngtute chu, Mualpho tak leh zak takin awm sela; Ka chhiatna chunga lâwmte chu tlânchhiattîrin tihzahin awm rawh se.

³“Chei! Chei!” titute chu an mualpho avângin tlânchhiattîrin awm rawh se.

⁴A zawngtu che zawng zawng chu nangmahah chuan hlim tak leh lâwm takin awm sela; I chhandamna ngainatute chuan, “Pathian chu chawimawiin awm rawh se,” ti fo rawh se.

⁵Nimahsela, kei chu rethei leh pachhe tak ka ni a; Aw Pathian, ka hnênah lo kal thuai ang che! Nang chu mi ṭanpuitu leh mi chhanhimtu i ni a; Aw LALPA, rei rial lul suh ang che.