Read Mizo_Old_version Sam 76 Bible Online

Sam 76 - Mizo_Old_version bible

Sam 76

¹Juda-ho zîngah chuan Pathian chu hriatin a awm a; Israel-ho zîngah chuan a hming chu a ropui a ni.

²Salem-ah chuan a bâwktê chu a awm a, Tin, ama awmna chu Zion-ah a awm a.

³Chutah chuan thalte chu a tichhia a; Phaw te, khandaih te, indona te nên. (Selah)

⁴Nang chu i ropuiin i va nasa êm, râllâk sum dah khâwmna tlângah chuan!

⁵Pasalṭhate chu rawkin an awm a, An muhîl chu an muhîl hlen ta a; Mi chakte pawh tu mahin an kut an lek thei ta lo.

⁶Aw Jakoba Pathian, i zilhhauna avângin, Tawlailîr leh sakawr pawh muthilhtîr dêrin an awm ve ve a.

⁷Nang, nangmah ngei chu ṭih tûr i ni a; I thinur tawh phawt chuan, tu nge i mit hmuhah ding thei ang le?

⁸I rorêl thu chu vân aṭangin i hriattîr a; Lei hian a hlau va, a ngawi ta a.

⁹Leia mi thuhnuairawlh zawng zawngte chhandam tûra, Pathian chu rorêl tûra a thawh lai khân. (Selah)

¹⁰Mihring thinur chuan a tiropui zual che a, I thinurin a hmaihte chuan i inhrêng ang.

¹¹Thu tiam ula, LALPA in Pathian lakah hlen rawh u; A vêla mi zawng zawng chuan ṭih tûra chu lâwmmante rawn sinsak rawh se.

¹²Ani chuan rorêltute huaina chu a sât bung ang a; Ani chu leia lalte tân chuan a hlauhawm a ni.