Read Mizo_Old_version Sam 82 Bible Online

Sam 82 - Mizo_Old_version bible

Sam 82

¹Pathian chu Pathian inkhâwmna siamah chuan a ding a; Pathianhote zîngah ro a rêl a.

²“Eng chen nge dik lo taka ro in rêl anga, Mi suaksualte chu in duhsak bîk dâwn? (Selah)

³Retheite leh pa nei lote ro chu rêl ula; Hrehawm tuarte leh pachhiate chungah chuan dik takin ti rawh u.

⁴Retheite leh pachhiate chu chhan ula; Mi suaksual kut ata chhanhim rawh u.

⁵“An hre lo va, hriat thiamna an nei hek lo; Thimah chuan an vei an vei a; leilung nghahchhan zawng zawng chu a nghîng ta a.

⁶‘Pathiante in ni a, In zain Chungnungbera fate in ni,’ ka tih kha,

⁷Nimahsela, mihringte ang maiin in la thi ang a, Mi lian pakhat ang khân in la tlu ang,” ka ti a.

⁸Aw Pathian, tho la, lei ro hi rêl ang che; Hnam tinrêng hi i rochung dâwn si a.