Read Mizo_Old_version Sam 84 Bible Online

Sam 84 - Mizo_Old_version bible

Sam 84

¹Aw sipaihote LALPA, I awmnate chu a va duhawm êm!

²Ka nunna hian LALPA biak in hung chhûng kawtlaite chu a ngai êm êm a, a ni, a chauh phah hial a; Ka thinlung leh ka tisa hi Pathian nung hnênah chuan a au chhuak a.

³Aw sipaihote LALPA, ka Lal leh ka Pathian, I maichâm bulahte chuan chawngzawngin bu a chhep a, Vamûr pawhin bu a nei, a no dahna tûrin.

⁴I ina awmte chu an eng a thâwl e: Nang chu an fak fo vang che. (Selah)

⁵Nangmaha chakna nei mi chu a eng a thâwl e; A thinlunga Zion panna lamliante awma chu.

⁶Ṭahna ruam chu an zawhin tuihna awmnate an siam ṭhîn a, A ni, ruahtui tla hmasa chuan malsâwmnain a khuh ṭhîn.

⁷Chakna aṭangin chak lehzualnaah an kal ṭhîn a, Zion-ah Pathian hmaah chuan an inlan ṭheuh ṭhîn.

⁸Aw LALPA, sipaihote Pathian, ka ṭawngṭaina hi mi ngaihthlâksak la; Aw Jakob-ho Pathian, beng lo chhi ang che. (Selah)

⁹Aw Pathian, kan phaw ber, en teh, I hriak thiha hmêl hi en teh.

¹⁰I biak in hung chhûng kawtlaia ni khat awm hi, ni sângkhat aiin a ṭha zâwk si a. Suahsualna puan intea awm ai chuan, Kan Pathian ina kawngkhâr vêngtu nih pawh ka duh zâwk a ni.

¹¹ LALPA Pathian chu ni leh phaw a ni si a; LALPA chuan khawngaihna leh ropuina a pe ang a: Dik taka awmte lakah chuan thil ṭha rêng rêng a ui lo vang.

¹²Aw sipaihote LALPA, Nangmah ring mi chu a eng a thâwl e.