Read Mizo_Old_version Sam 92 Bible Online

Sam 92 - Mizo_Old_version bible

Sam 92

¹ LALPA hnêna lâwm thu sawi leh, Aw Chungnungber, i hming faka zai hi thil ṭha tak a ni a,

²Thil tum theih hrui sâwm nei mi te, perhkhuang te, ṭingṭang ri lung tichhe thei tea zînga i ngilneihna tihlan leh, Zan tin i rinawmna tihlan hi thil ṭha tak a ni.

⁴ LALPA, nang chuan i hnathawhin mi tilâwm si a; I kut thiltihte avângin hlimin ka zai ang.

⁵Aw LALPA, i thiltihte chu a va ropui êm! I ngaihtuahnate chu a thûk êm êm a ni.

⁶Mi mâwl chuan hei hi a hre lo va, Mi âin a hre thiam hek lo:

⁷Mi suaksualte hlobet anga an lo chawra, Thil tisualtute zawng zawng an lo duah hluah hluah hian, Kumkhua atân tihboralin an awm dâwn a lo ni ṭhîn, tih hi.

⁸Aw LALPA, nang erawh chu kumkhua atân sâng taka awm reng i ni.

⁹Aw LALPA, ngai teh, nangmah dotute hi, Ngai teh, nangmah dotute hi an boral dâwn a ni; Thil tisualtute zawng zawng hi tihdarhin an awm vek ang.

¹⁰Nimahsela, ka ki hi selepa ki angin i chawimawi a; Hriak thara thih ka ni ta.

¹¹Ka mitin ka hmêlmate chunga ka thu duhsâm thleng chu a hmu ta a, Ka bengin thil ṭha lo titu, mi rawn beitute chunga ka thu duhsâm thleng thâwm chu a hre ta.

¹²Mi fel chu tûm angin a duah hluah hluah ang a, Lebanon tlânga sidar thing angin a ṭhang uak uak ang.

¹³ LALPA ina phunte chu Kan Pathian biak in hung chhûng kawtlaiah chuan an duah hluah hluah ang.

¹⁴Tar hnuah pawh an la rah fo vang a; Tui pai ṭeuhvin an hring hluah hluah ang,

¹⁵ LALPA chu mi dik tak a ni tih lantîrna tûrin; Ani chu ka lungpui a ni a, amahah chuan fel lohna rêng rêng a awm lo.