Read Mizo_Old_version Thufingte 14 Bible Online

Thufingte 14 - Mizo_Old_version bible

Thufingte 14

¹Hmeichhe fing zawng zawngin in an sa a, A â erawh chuan anmahni kut ngeiin an ṭhiat ṭhîn.

²Dik taka awm mi chuan LALPA a ṭih a, Mi tihmawh erawh chuan a hmusit a ni.

³Mi a kaah chuan chapona tiang a awm a, Mi fingte ka erawh chuan anmahni a hum ṭhîn.

⁴Bâwngpa awm lohnaah chuan bâwng chaw dahna a fai ṭhîn a; Amaherawhchu, pun hle-na chu bâwngpa thahruiah a awm.

⁵Hretu dik chu a daw lo vang a, Hretu dik lo erawh chuan dâwt a phuh chhuak ṭhîn.

⁶Hmuhsit chîng mi chuan finna a zawng a, a hmu ṭhîn lo va; Hriat thiamna neitu tân erawh chuan finna hi awlsam tak a ni.

⁷Mi a hnên ata chu kal chhuak rawh, Amahah chuan hriatna ka i hmu lo vang.

⁸Remhre finna chu mahni awm dân hriat hi a ni a, Mi âte âtna erawh chu bumna a ni.

⁹Mi âte chuan thiam loh channa hi an ngai lêlo va, Mi dik zîngah erawh chuan duhsakna ṭha a awm,

¹⁰Thinlung lungngaihna chu amah chauhvin a hria a, A lâwmna pawh mi dangin an hriatpui lo.

¹¹Mi suaksual in chu tihchhiat a ni ang a, Mi dik puan in erawh chu a vul ang.

¹²Mi ngaiha kawng dik ni âwm taka lang, A tâwp chu thihna kawng ni si a awm.

¹³Nuihnaah pawh rilru lungngaihna a awm a, Hlim tâwpna chu rihna a ni.

¹⁴Thinlunga hnungtawlh mi chu ama duh dânin a khat ang a; Mi ṭha chu amah leh amah a intilungawi ang,

¹⁵Mi mâwl chuan thu tin a ring a, Mi remhria erawh chuan a kalna a en ṭha ṭhîn.

¹⁶Mi fing chuan a hlauthâwng a, sual a kalsan ṭhîn a; Mi â erawh chu a intihuai a, mahni a inring ṭhîn.

¹⁷Thinram mi chuan âtthlâk takin thil a ti ang a; Tin, thil sual suangtuah hmang mi chu huat a ni.

¹⁸Mi mâwl chuan âtna an rochung a, Mi remhria erawh chu hriatna khumtîrin a awm.

¹⁹Mi sual chu mi ṭha hmaah a kûn a, Mi suaksual chu mi fel kawngka bulah.

²⁰Mi rethei chu a ṭhenawmte ngei pawhin an hua a, Mi hausa erawh chuan ṭhian tam tak an nei.

²¹Tu pawh ṭhenawmte hmusit chuan thil a tisual a ni; Mi rethei lainattu erawh chu a eng a thâwl e.

²²Thil ṭha lo suangtuahtute chuan an tisual a ni lâwm ni? Thil ṭha suangtuah miah erawh chuan zahngaihna leh thutak a awm ang.

²³Thawh rimna zawng zawngah hian hlâwkna a awm a, Kaa sawi mai mai erawh chuan tlâkranna mai a thlen a ni.

²⁴Mi fing lallukhum chu a sum a ni a, Mi âte âtna chu âtna ngawt a ni.

²⁵Hretu dik chuan mite a chhanchhuak a, Dâwt chhâk chhuak mi chuan bumna a tichhuak ṭhîn.

²⁶ LALPA ṭihnaah chuan rinna chak tak a awm a, A fate chuan inhumhimna hmun an nei ang.

²⁷ LALPA ṭihna chu nunna tuikhur a ni, Thihna thang hawisanna tûrin.

²⁸Mipui tamnaah chuan lal ropuina a awm a, Mi tlêmnaah erawh chuan lal fapa boralna a awm.

²⁹Thinur har mi chu finna nasa tak nei mi a ni a, Mi ti thawt thawt erawh chuan âtna a chawimawi.

³⁰Rilru dam chu tisa nunna a ni a, Itsîkna erawh chu ruh mawihna a ni.

³¹Mi rethei hnehchhiahtu chu a siamtu hnehchhiah a ni a, Tlachhamte khawngaihtu chuan a chawimawi a ni.

³²Mi suaksual chu a thil tihsualah chuan theh luh a ni a, Mi fel erawh chuan a thihnaah nghahfâk a nei.

³³Ngaihthiamna nei mi thinlungah chuan finna a chêng ṭhîn a, Mi a chhûng lama awm erawh chu a lang sa reng.

³⁴Felnain hnam a chawimawi a, Sualna erawh chu hnam tin tân hmingchhiatna a ni.

³⁵Lal duhsakna chu fing taka titu chhiahhlawh chungah a awm a, A thinurna erawh chu mualphona thlentu chungah a awm ang.