Read Mizo_Old_version Thufingte 2 Bible Online

Thufingte 2 - Mizo_Old_version bible

Thufingte 2

¹Ka fapa, ka thute i dawna, Ka thupêkte i khâwl khâwma,

²Finna lama i beng i chhita, I thinlung hriatna lam atân i pêk chuan;

³A ni, hriatna i auhva, Hriat thiam theihna pawh i auh chuan;

⁴Tangkarua anga i zawna, Ro phûm rûk anga i zawn chuan;

⁵ LALPA ṭih nachâng i lo hria ang a, Pathian hriatna chu i chhar chhuak ang.

⁶ LALPA chuan finna a pe ṭhîn a, A kâ aṭang chuan finna leh hriat thiamna a lo chhuak ṭhîn a ni;

⁷Mi tluangte tân finna dik a chhêk khâwm ṭhîn a, Rinawm taka awm ṭhînte tân phaw a ni;

⁸Rorêlna kawngte a vêna, A mi thianghlimte kawng a vawn ṭhat theih nân.

⁹Tichuan, felna leh rorêlna chu i lo hre thiam ang a, Hleih neih lohna nên, a ni, kawng ṭha tinrêng pawh.

¹⁰I thinlungah finna chu a lût ang a, I nunna atân hriatna chu tui tak a ni ang;

¹¹Remhriatnain a vêng ang chia, Hriat thiamnain a enkawl ang che;

¹²Sual kawng ata chhanchhuak tûr che leh, Thil awihawm lo sawi mite laka chhanchhuak tûr chein;

¹³Chûngte chuan kawng thima kal tûrin kawng dik chu an kalsan a;

¹⁴Thil tha lo tih chu an lâwm zâwng a ni a, Thil sual bengtlalo mai maiahte an lâwm ṭhîn;

¹⁵An kawngte chu a kawi a, An rin tlâk loh;

¹⁶Hmeichhe sual lakah chuan a chhan ang che, Ram dang mi, kam thluma thlêmtu che lakah;

¹⁷A tleirâwl lai ṭhian kalsana, A Pathian thuthlung theihnghilhtu lak ata chu.

¹⁸A in chuan thihna lam a hawi a, A kawngte chuan mitthi lam.

¹⁹A hnêna kal rêng rêng chu an kîr leh tawh ngai lo va, Nunna kawng an pawh ngai hek lo;

²⁰Mi ṭha kawng i zawha, Mi fel kawng chu i zawh zêl theih nân.

²¹Mi tluangte chu leilungah hian an chêng ang a, Ṭha famkimte chu chutah chuan an awm reng ang.

²²Mi suaksualte erawh chu leilung ata tihboral an ni ang a, Vervêk taka titute chu tihboral phiar an ni ang.