Read Mizo_Old_version Thufingte 25 Bible Online

Thufingte 25 - Mizo_Old_version bible

Thufingte 25

¹Hêng pawh hi Solomona thufing, Juda lal Hezekia miten an ziak chhâwn chu a ni.

²Thil thup hi Pathian ropuina a ni a, Lal ropuina erawh chu thil zawn chhuah a ni.

³Vân hi a sâng êm a, lei hi a thûk êm a, Lalte rilru pawh hi chhui chhuah rual a ni lo.

⁴Tangkaraw êkchhia paih la, A chhertuin thil mawi a chher thei ang.

⁵Lal hma ata mi suaksual chu sawn bo ula, A lalṭhutthlêng chu felnaa tihngheh a ni ang.

⁶Lal hmaah chawimawina chuh suh la, Mi ropuite hmunah ding suh.

⁷I hmuh tawh ṭhin mi lian hmaa tihhnuai i nih ai chuan, “Ṭhutphah ṭha deuhvah lo ṭhu rawh khai,” I hnêna han tih chu a ṭha zâwk si a.

⁸Inbei tûrin hmanhmawh takin kal suh, A tâwpah i ṭhenawmten an tihmualpho hun chein, A tihngaihna i hre lo mai dah ang e.

⁹I thubuai chu i ṭhenawmpa nên sawi dûn ula, Mi dang thurûk chu puang suh.

¹⁰A hretu chuan a hau vang chia, I hmingchhiatna a reh lo dah ang e.

¹¹A âwm tak thu sawi hi Tangkaraw bâwma rangkachak thei ang a ni.

¹²Thu awih bengah chuan Zilhtu fing chu, rangkachak bengbeh leh Rangkachak ṭha mi ṭhi ang a ni.

¹³A tîrtute tâna palai rinawm tak chu, Buh seng laia vûr vâwt ang a ni, A pute nunna a tihharh ṭhin avângin.

¹⁴A pêk loh pui pea insawia uangthuang chu, Ruahtui pai lo chhûm leh thli ang a ni.

¹⁵Dawhtheihnain rorêltu thlêm thlûkin a awm a, Thu nêm chuan ruhte a titliak ṭhîn.

¹⁶Khawizu i hmu ṭhîn em? A tâwk lekin in rawh; Chuti lo chuan, i ti lutuk ang a, i luak leh dah ang e.

¹⁷I ṭhenawm in tlawh cheh lutuk suh, A ning ang chia, a haw dah ang che.

¹⁸Mahni ṭhenawm chungchânga dâwt sawi chîng chu, Tuboh te, khandaih te, thal hriam tak te a ni.

¹⁹Mangan laia mi rinawm lo rin chu, Ha bal leh ke ruh pelh ang a ni.

²⁰Mi lungngai hnêna hla satu chu, Khaw vawh nia sihfên hlih leh pema chingal leih ang a ni.

²¹I hmêlma a ril a ṭâm chuan ei tûr pe rawh, A tui a hâl chuan in tûr pe rawh.

²²I tizak êm êm ang a; Tin, LALPAN a rûl ang che.

²³Hmâr thliin ruah a rawn thlen a, Chutiang bawkin mi rêl hmang leiin thinur hmêl.

²⁴Hmeichhe ân hmang tak nêna in zau taka awm ai chuan, In chung chhîp kila awm a ṭha zâwk.

²⁵Ram hla taka chanchin chu Mi tuihâl tak tâna tui vâwt ang a ni.

²⁶Mi fel, mi suaksual kawng kiantu chu, Tuikhur hnuchhawn hnu leh tuihna tihkhawloh ang a ni.

²⁷Khawizu in tam hi a ṭha lo va; Chutiang bawkin miin mahni ropuina an zawng hi ropuina a ni lo ve.

²⁸Mahni rilru thunun zo lo mi chu Khawpui chim, kulh nei lo ang a ni.