Read Mizo_Old_version Thufingte 26 Bible Online

Thufingte 26 - Mizo_Old_version bible

Thufingte 26

¹Nipuia vûr tla leh buh seng laia ruah sûr a inhmeh lo angin, Mi â tân chawimawina hi a inhmeh lo a ni.

²Chawngzawng thlâwk thlâwk leh vamûr lêng lai angin, Vâng awm lova ânchhe lawh chu engmahlo a ni.

³Vuakna hrui chu sakawr tân a ni a, thîrbarh chu sabengtung tân a ni a, Tiang chu mi a hnungzâng tân a ni.

⁴Mi â chu a ât dân angin chhâng suh, Amah ang i lo ni hlauh dah ang e.

⁵Mi â chu a ât dân azirin chhâng rawh; Chuti lo chuan, mi fingah a inngai mai dah ang e.

⁶Mi â thu chahtu chuan ama ke a tan a ni a, Ama chhiatna a in a ni.

⁷Kebai kete chu a thên a thên a, Chutiang chuan tehkhin thu chu mi âte kaah chuan a ni ṭhîn.

⁸Mi â chawimawi chu Lung intiang khâwm chunga lunghlu ip ang a ni.

⁹Mi âte kâa tehkhin thu chu, Zu rui mi kuta hlîng chhun ang a ni.

¹⁰Mi â leh mi veivâkte ruai ṭhîntu chu, Thal kah thiam, mi hliam ṭhîntu ang hi a ni.

¹¹Mi â a âtzia tilang nawn leh ṭhîn chu, Ui a luak hnu ei leh ṭhîn ang hi a ni.

¹²Mahni ngaiha fing inti i hmu ṭhîn em? Chu mi ai chuan mi âah beisei tûr a tam zâwk.

¹³Mi thatchhia chuan, “Kawngah sakeibaknei a awm, Kawtthlêrah sakeibaknei a awm,” a ti ṭhîn.

¹⁴Kawpzaa kawngkhâr a her vêl angin, Mi thatchhia chu a khumah a her vêl ṭhîn.

¹⁵Mi thatchhia chuan thlêngah a kut a hnim a; A kaa thlen leh pawh a peih ṭhîn lo.

¹⁶Mi pasarih thil chhût thiam ai pawhin, Mi thatchhia chu ama ngaihin a fing zâwk.

¹⁷A inrawlh vena tûr pawh awm hauh si lova kal paha mi sual mai chu Ui kal lai a benga lo mantu ang a ni.

¹⁸Ṭhenawmte buma, “Ka fiamthu a ni lâwm ni?” titu chu Mi â, meichher te, thal te, thihna tea mi tihṭhaihtu ang a ni.

²⁰Thing a ral avângin mei chu a thi a, Sêsêa thu sawitu awm lohnaah chuan inhauna a reh ṭhîn.

²¹Meiling chu meihawl tivâmtu leh thing chu mei tialhtu a ni angin, Ân hmang mi chu insualna tialhtu a ni.

²²Sêsêa thu sawi hmangte thu chu chaw tui tak ang a ni a, Pumpui chhûngrilah a lût ṭhîn.

²³Thu sawi tlawr hmui leh thinlung sual chu, Hlumbêl, tangkaraw tuiêka luan ang a ni.

²⁴Mi huat hmang a kâin a thup a, A thinlungah erawh chuan bumna a vawng ṭhîn.

²⁵Ṭha taka thu a sawi pawhin ring suh, A thinlungah thil tenawm pasarih a pai si a.

²⁶A huatna chu bumnain thup mah sela, A suahsualna chu tlâng hriatah tihlan a ni ang.

²⁷Khuarkhurum lai apiang chu, a chhûngah chuan an tla ang a, Tu pawh lung lum chu ama chungah a lo lum lêt leh ang.

²⁸Lei dawthei chuan ama hliamte chu a haw ṭhîn a, Fak derna kâ chuan thil a tichhe ṭhîn.