Read Mizo_Old_version Thuhriltu 10 Bible Online

Thuhriltu 10 - Mizo_Old_version bible

Thuhriltu 10

¹Tho thiin a tichhia, Rimtui siamtu hriak rim; Chutiangin finna leh zahawmna pawh Âtna tlêm têin a chhilh bo.

²Mi fing thinlung a hawi, a ding lamah, Mi a thinlung erawh a vei lamah.

³A ni tak e, mi â chu tual a lên laiin A hriatnain a tlin lo va, Mi tin hnênah, “A â a ni,” a ti zêl ṭhîn.

⁴Rorêltu thin thawk mah sela, nangma chungah, I hmun kalsan suh ang che; Lungnih lohnate a tireh, zâwldawhnain.

⁵Ni hnuaia ka hmuh ṭhin thil ṭha lo a awm, Rorêltua lo chhuak thiltih dik lo ang:

⁶Mi â hmun sângahte daha, Mi hausa hmun hniama an ṭhut te hi.

⁷Chhiahhlawh ka hmu, sakawr chungah, Hotu a kal kêin, chhiahhlawh angin.

⁸Hum laitu chu a hum laihah a tla ang; Hungna tâwn tlangtu a chu ang, rûlin.

⁹Lung lai chhuaktu a inhliam ang; Thing ektu tân hlauhthâwn a awm.

¹⁰Thîr a bila, miin a tah hriam loh chuan Tharum a ngai lehzual ang; Mahse, a sâwt ber mai, finna, hlawhtlin nân.

¹¹A chuk mai chuan rûlin, dawi ât hmain, Dawi ât thiam sâwtna a awm hlei nêm.

¹²Mi fing kamchhuak thu zawng a hlu, Mi a hmui erawh chuan amah a dawlh zo vang;

¹³A kamchhuak thu bul chu âtna a ni sa a, A kamchhuak tâwpna chu âtna pawi khawih chi a ni.

¹⁴Thu a tuitam ṭhîn, mi â chuan. Miin a hre lo, thil lo awm tûr chu; Tu nge hrilh thei, mi hnu lama thil lo awm tûr?

¹⁵Thawh rimnain a intichau ṭhîn, mi â chu, Khawpui kalkawng pawh a hre lo!

¹⁶I chung a pik e, nang ram, lal naupang leh Hotute, zînga ruaiṭheh ṭhîn neitu!

¹⁷I nihlawh e, nang ram, lal chu lal chi fapa leh Hotute, ruih nân ni lo, chakna tûra hun dik taka ei ṭhîn neitu!

¹⁸Zawmthâwt vângin a sawp in chung, Kut dâwngdah vângin a far.

¹⁹Ruai siam a ni, hlimhlawp atân, Uain chu nun tihnawm nân; Tangkain engkim a si thlu.

²⁰Lalber chu lawh suh la, ânchhia, i rilru pawhin; Ânchhia lawh suh, mi hausa chu, i khumlaizâwlah pawh; Chunglêng savaten i aw chu an pu darh ang a, Thla neiten chûng chu an hril mai ang.