Read Mizo_Old_version Thuhriltu 11 Bible Online

Thuhriltu 11 - Mizo_Old_version bible

Thuhriltu 11

¹I chhang paih la, tui chungah chuan, I hmu leh dâwn si, ni rei hnuah.

²Chan tûr pe la, mi pasarih, pariat hnênah, I hre si lo, lei chungah hian thil ṭha lo lo tla tûr chu.

³Tui a pai chuan chhûmin, a intiruak ṭhîn, lei chungah; Thing a tlûk chuan chhim hawi emaw, hmâr hawi emaw, A awm ngei ang thing chu, a tlûk hmunah.

⁴Thli pawisatuin chi a tuh lâwng, Chhûm enthlatuin a seng hek lo vang.

⁵Thli kalkawng chu i hre lo va, Hmeichhe pum chhûnga nau ruh ṭhan dân pawh i hre hek lo, Chutiang bawkin Pathian engkim titu thiltih chu i hre lo.

⁶Zîngah i chi tuh la, tlaiah i kut sûm suh; I hre si lo, a ṭhang ṭha tûr khawii nge, Hei hi nge, kha kha nge, an ṭha ve ve dâwn.

⁷A nuam ngei mai tak e, êng chu, Mit tân pawh ni hmuh a ṭha e;

⁸A ni, mi kum tam tak a dam chuanin, Hêng zawngah hian lâwm rawh se; Amaherawhchu, hre reng sela thimna nite, An tam hle mai dâwn si a. Thil lo thleng zawng zawng hi engmahlo mai a lo ni.

⁹Ṭhalaite u, in ṭhat lai chên ula, In la naupan viau lai hian hlim rawh u; In thinlung duh zâwng chu zâwm ula, In mitin a hmuh châk zâwng nên chuan; Amaherawhchu, chûngah chuan Pathianin in chungah Ro a rêl dâwn tih hre reng ang che u.

¹⁰Eng mah engto nei suh ula, In pang tinatu awm hek suh se, In ṭhat lai hun a rei dâwn lo.