Read Mizo_Old_version HLA THLAN KHAWMTE 3 Bible Online

HLA THLAN KHAWMTE 3 - Mizo_Old_version bible

HLA THLAN KHAWMTE 3

¹Zânan laikhum chungah ka dâwn ṭhîn, ka hmangaih chu; Ka zawng ruai e, ka tawng si lo ve.

²Ka tho vang a, khawpui daikâwm ka vêl ang, Kawtthlêrah leh mual laiahte chuan; Ka zawng zêl dâwn e, ka hmangaih chu. Ka zawng ruai e, ka tawng si lo ve.

³Khawpui vênga kal hualtuten mi hmu a; “Ka hmangaih chu in hmu emaw?” ka ti a.

⁴Anmahni ka pelh hnu lawkah chuan, Ka hmu ta e, ka hmangaih chu. Ka vuan ta a, ka kaltîr leh tawh rua lo, Ka nu inah, mi paitu pindan chhûngah, Amah ka hruai luh hma loh zawng.

⁵Ka ngên tlat che u, aw Jerusalem fanute, Saza leh ramzukpui chhâlin, Hmangaihna chu chawk thova tiharh lo tûrin, Amahin a duh hma chuan.

⁶Eng nge ni hei, meikhu ding ang thlalêr ata lo kal hi, Murra leh beraw rimtui nam rum rum, Sumdâwngtu paudar tinrêng rim chenin?

⁷Ngai rawh, Solomona zâwnna tawlai chu, Râlhrât sawmrukin an din hual e, Israel râlhrât zînga mite chuan.

⁸An zain khandaih an vawng, do thiam an ni; Mi tinin khandaih an pai, an khêl chungah, Zântianga hlauhawm vâng hian.

⁹Lal Solomonan zâwn bâwm a tân a insiam, Lebanon tlâng thing hmanrua ngeiin;

¹⁰A bante a siam a, tangkaruain, A nghenchhan chu rangkachakin, A ṭhutthlêng chu puan sendukin; A chhûng lam chu an rem, duhawm takin, Jerusalem fanute chuan.

¹¹Kal chhuak ula, aw Zion fanute u, Lal Solomona chu en ru; A khumtîr kha, a nun lallukhum, A nupui neih ni, a thinlung lâwmna niah chuan.