Read Mizo_Old_version HLA THLAN KHAWMTE 4 Bible Online

HLA THLAN KHAWMTE 4 - Mizo_Old_version bible

HLA THLAN KHAWMTE 4

¹Ngai teh, i mawi e, ka hmangaih, ngai teh, i mawi e; Ṭhuro an iang e, i mitten, i hmai khuhna phênah chuan. I sam chu kêl rual, Gilead tlâng panga bawk ang a ni.

²I hâte chu berâmpui rual hmul meh hlim, Bual zawh hlim ang chu a ni, An zaa kawppui nei ṭheuhvin, Nei lo rêng an awm lo, an zîngah.

³I hmuiten an iang e, sâpsen zai, I kâ pawh a duhawm ngei e. I biangten pawmgranet phel an iang e, I hmai khuhna phênah chuan.

⁴I nghâwngin a iang e, Davida kulhbîng sâng, Râlthuam dah nâna siam chu, Phaw sângkhat an bâng e, tah chuan, Râlhrâtte phaw ṭheuh ngei chu.

⁵I hnute pahnih hian a ang, no pahnih, Sazain phîr a neih, lili pâr zînga tlate chu.

⁶Ni a nêma, hlim a her bo hma loh chuan, Ka kal nâng e, murra tlâng leh Beraw mual lamah chuanin.

⁷I mawi zo ngei e, ka hmangaih, Nangmahah demawm a awm lo ve.

⁸Lebanon aṭangin lo kal ang che, ka ṭhiannu, ka hnênah, Lebanon aṭangin ka hnênah. Amana chhîpah chuan rawn chuan la; Senir leh Hermon chhîp aṭang chuan, Sakeibaknei pûk aṭang chuanin, Keitête tlâng aṭang pawhin.

⁹Ka thinlung i hneh zo ta, ka laina, ka ṭhiannu, Ka thinlung i hneh zo ta, i mit sîr zai vawi khatin, I nghâwng thlun pakhat nên chuan.

¹⁰A mawi mang e, i hmangaihna, ka laina, ka ṭhiannu! Uain hnehin i hmangaihna a ṭhat zâwkzia mai tak chu! Rimtui zawng zawng hnehin a tui zâwk i hriak rim zawng.

¹¹Aw ka ṭhiannu, i hmuiah a far e, khuaipui zû; I ṭawngkamah khawizû, hnutetui; I silhfên rim Lebanon rim ang.

¹²Huan humhalh tlat a ni, ka laina, ka ṭhiannu chu, Tuihna humhalh tlat, tuikhur hauh tlat.

¹³Pawmgranet hmun ang a ni, i duhawmzia, Rah ṭha ber ber chhuak ṭhîn te,

¹⁴Henna leh nard nên, nard leh safron nên, Fu rimtui leh thakthîng, beraw thing chi tinrêngte nên, Murra leh aloe rimtui ropui zawng nên pawh.

¹⁵Nang chu huan tuikhur, tui nung chhunchhuah chu i ni, Luite lo luang Lebanon tlângan.

¹⁶Harh la, aw hmâr thli, lo kal rawh, nang chhim thli, Ka huan hi rawn chhêm ula, a rimtui lêng chhuak rawh se. Ka duh tak chu a huanah lo lût sela, A rah ṭha ber ber chu ei rawh se.