Read Mizo_Old_version HLA THLAN KHAWMTE 6 Bible Online

HLA THLAN KHAWMTE 6 - Mizo_Old_version bible

HLA THLAN KHAWMTE 6

¹I duh tak chu khawiah nge a kal tâk, Aw hmeichhia alaia mawi ber? Khawi lamah nge i duh tak lâm ang a lêt, Keinin kan zawnpui theih nân che?

²Ka duh tak chu a chhuk ta, a huan hlo rimtui hmunah chuan, Huanah a ran rual tlattîr leh A lili pâr lâwr tûrin.

³Ka duh tak ta chu ka ni a, ka duh tak chu ka ta a ni. A ran rual tlattîr ṭhîn kha, lili pâr zîngah.

⁴I mawi mang e, aw ka duh tak, Tirza iangin, I duhawm e, Jerusalem khawpui ang; Puanzâr khai pheisen rual ang, ka zuam lo che.

⁵I mit la tawh la, ka lakan hian, Min hmin tawh êm mai si hi. I bahsamin a iang kêlchal hmul, I sam chu kêl rual, Gilead tlâng panga bawk ang a ni.

⁶I hate chu berâmpui rual bual zawh hlim ang chu a ni; An zaa kawppui nei ṭheuhvin, Nei lo rêng an awm lo, an zîngah.

⁷I biangten pawmgranet phel an iang e, I hmai khuhna phênah chuan.

⁸Lalnu sawmruk leh hmei sawmriat an awm a, Nula chhiar sên loh nên.

⁹Ka ṭhuro zawng pakhat a ni, ka sawisêl bovi chu, A nu fanu neih chhun tê, a hringtunu en chim loh chu. Hmeichhiaten amah an hmu a, nihlawh an ti; A ni, lalnu leh hmeite pawhin an fak ṭhîn.

¹⁰Tu a ni nge zîng êng mawi ang lo lang kha, Chhawrthlapui ianga mawi leh tûrni ianga chianga, Puanzâr khai pheisen rual ang, ka zuam loh chu?

¹¹Thei pil sak hmunah ka zuk kal a, Ruama thil chawrno en tûr leh Grêp a kuhmûm emaw, pawmgranet a pâr emaw en tûrin.

¹²Ammi-nadib tawlailîrahte Ka hriat loh hlânin mi lo dah, ka châkna chuan.

¹³Kîr rawh, kîr rawh, aw nang Sulam mi; Kîr rawh, kîr rawh, kan thlîr theih nân che. Engah nge Sulam mi i thlîr le, Mahanaim lâma lâm ang êmin?