Read Mizo_Old_version HLA THLAN KHAWMTE 7 Bible Online

HLA THLAN KHAWMTE 7 - Mizo_Old_version bible

HLA THLAN KHAWMTE 7

¹Pheikhawk bun chunga i pên mawizia, Aw mi ropui fanu! I mal mûmin lunghlu iang e, Thawktu themthiam tak kutchhuak chu.

²I laibu lah berhbu hûn, Uain pawlh sa, kiam ngai lo ang hian. I pum chuan a iang e, buh vûm, Lili pâr hmuna chhûn chu.

³I hnute pahnih hian a ang, no pahnih, Sazain phîr a neih kha.

⁴I nghâwngin a iang a ni, saingho kulhbîng sâng, I mitten Hesbon-a dîlte, Bath-rabbim luhna kianga mi ang e. I hnârin a iang a ni, Lebanon kulhbîng, Damaska lam hawi chu.

⁵I thlungluin a iang Karmel tlâng, I bahsam pawh a dum ziar e; A thlai mawi lalin a tuar zo lo.

⁶I mawizia leh lung i tihawizia, Aw hmangaih, lâwmnate zîngah!

⁷I tlâwntlai hian tûm thing a iang e, I hnutêten a rah bâwr a ang.

⁸“Tûm thingah chuan ka lâwn chho vang a, A rah ka khawih ang,” ka lo ti a. I hnutêin grêp bâwr ang se, I thaw rimin apple ang bawk se,

⁹I kam uain ṭha mi ang mai chu. Ka duh tak tân luang thla dêl dêl se, Muhîlte hmuiah luang lût rawh se.

¹⁰Ka duh tak ta chu ka ni a, Keima lamah a thinlai a châm reng e.

¹¹Haw teh, ka duh tak, ramah chhuak ila, Thingtlâng khuaahte i riak teh ang.

¹²Zîngah grêp huanah kal ila, I en dûn ang grêp, kuhmûmin a vul emaw, Pawmgranet pawh a pâr emaw. Tah chuan ka hlân ang che, ka hmangaihna.

¹³Zâwlaidi hlovin rimtui a chhuah a, Kan kawngka bulah thei ṭha tinrêng A awm rui e, a hlui leh thar, I tân ka khêkkhal, aw ka duh tak.