Read Mizo_Old_version Isaia 23 Bible Online

Isaia 23 - Mizo_Old_version bible

Isaia 23

¹Tura khaw phurrit chu. Tarsis lawng liante u, chiau vak vak rawh u; in rêng rêng awm lo khawpa Tura chu tihchhiata a awm tâk hi; chu chu Kupra ram aṭangin in lo hria a.

²Tuipui kama chêngte u, ngawi rawh u, Sidon khaw sumdâwngte u,

³tuipui chunga kalin Aigupta ram Nile lui buh in chaw a, ram tinah in hralh a, in hlêp chu in sum hnâr ber a ni.

⁴Aw Zidon, zak rawh; tuifinriat, tuifinriat kulhpui chuan thu a sawi ta si a, “Nau ka vei ngai lo va, ka hring ngai hek lo; tlangvâl lah ka châwm ngai hek lo va, nula pawh ka tiseilian ngai hek lo,” tiin.

⁵Thuthang chu Aigupta ram a thlen hun chuan Tura thuthang chu nasa takin an vei ang.

⁶Tarsis-ah va kai ula; thliarkâra awmte u, chiau vak vak rawh u.

⁷Hei hi maw in khaw hlim tak, a hlunzia murakeka mi tawh, a kêin hla taka awm tûra a hruai ṭhina chu?

⁸Lallukhum khumtîrtu khua Tura chungah hian tuin nge hei hi thleng tûrin ruat? Chuta sumdâwngtute chu mi liante an ni a, chuta sumdâwng mite chu leia mi zahawmte an ni si a.

⁹Sipaihote LALPA chuan chapote ropuina tihtlâwm leh khawvêl mi zahawmte tihmualpho a tum tlat a ni.

¹⁰Aw Tarsis fanu, Nile lui angin i ramah chuan luang liam rawh; i kâwng hrênna rêng rêng a awm tawh loh hi.

¹¹Tuifinriat chungah a kut a phar a, ramte chu a tinghîng a; LALPA chuan Kanaan ram chungchâng thu-ah thu a pe a, a kulhbîngte tichhe tûrin.

¹²Tin, ani chuan, “Aw Zidon fanu nula, mi hnehchhiah, i hlim leh tawh lo vang. Tho la, Kittim ramah kai rawh; chutah pawh chuan chawlhna rêng rêng i hmu chuang lo vang,” a ti a.

¹³En teh, Kaldai-ho ram hi, hêng mite hi an awm tawh lo; Assuria mi chuan thlalêra ramsate tân a ruat tawh a ni. An in sângte chu an sa a, chuta lal inte chu an tiboral a, in chhiaah a siam ta.

¹⁴Tarsis lawng liante u, chiau vak vak rawh u; in kulhbîng chu tihchhiatin a awm tâk hi.

¹⁵Tin, chumi niah chuan heti hi a ni ang a, Tura khua chu, lal pakhat kum chhiara kum sawmsarih chhûng chu theihnghilhin a awm ang. Kum sawmsarih ral hnuah chuan, nawhchizuar hlaa an sawi angin Tura khaw chungah chuan a la thleng ang,

¹⁶“Nang nawhchizuar, mite theihnghilh tawh hnu, ṭingṭang la la, tual fang rawh; ṭingṭang kai la, hla tam tak sa rawh, hriata i awm leh theihna tûrin,” tih ang khân.

¹⁷Tin, kum sawmsarih a ral hnu chuan LALPA chuan Tura khua chu a tlawh ang a, a sumdâwnna a chhunzawm leh ang; khawvêl ram tinah a inzuar leh ang.

¹⁸Tin, a sum deh chhuah leh a hlawh chu LALPA hmaa awmte tân a ni dâwn si a, hnianghnâra an eiah leh, silhfên ropui tak an neih theih nân.