Read Mizo_Old_version Isaia 4 Bible Online

Isaia 4 - Mizo_Old_version bible

Isaia 4

¹Tin, chumi niah chuan hmeichhe pasarihin mipa pakhat an chelh ang a, “Keimahni chaw kan ei ang a, keimahni silhfênte kan inbel ang e; i hming chauh min puttîr la; kan hmingchhia hi min chhilhsak rawh,” tiin an sawi ang.

²Chumi niah chuan LALPA pêng chu mawi tak leh ropui takin a awm ang a, Israel-ho la damte tân chuan leia rahte chu ṭha tak leh mawi takin a awm ang.

³Tin, heti hi a ni ang a, LALPAN rorêlna thlarau leh kanna thlarauva Zion fanute bawlhhlawhna chu a sil fai hnu leh, Jerusalem thisen chu a chhûng ata a tlen fai hnu chuan, Zion-a la awm leh Jerusalem-a la awmte chu thianghlim an ti ang, Jerusalem-a la damte zînga hming ziak zawng zawngte chu.

⁵Tin, LALPAN Zion tlânga awmna zawng zawng chungah leh, a inkhâwmpuite chungah chuan chhûnah chhûm leh meikhu, zânah meialh êng a siamsak ang. Ropuina zawng zawng chungah chuan englo zâr a awm dâwn si a.

⁶Chhûnah ni sa hliahtu atân leh, thlipui leh ruahpui lakah inhumhimna leh, bihrûkna hmun atân bâwktê a ni ang.