Read Mizo_Old_version Isaia 64 Bible Online

Isaia 64 - Mizo_Old_version bible

Isaia 64

¹Aw, hnam tin i hmaa an khurhna tûrin nangmah dotute hnêna i hming hriattîr nân, meiin thing nawi a tialha, mei chuan tuite a tiso ang hian tlângte chu i hmaa an luan thlâk dûl dûl nân, vân kha tithlêrin lo chhuk teh hrâm la aw!

³Kan beisei loh thil râpthlâk i tih lai khân i lo chhuk a, tlângte chu i hmaah an luan thlâk dûl dûl kha.

⁴Hmasâng ata tawh miten, nangmah chauh lo chu, anmahni nghâktu atâna thawhsak ṭhîntu Pathian an hre ngai si lo va, bengin an hre ngai hek lo va, mitin an hmu ngai hek lo.

⁵Nang chuan hlim taka awma, fel taka titu, i kawngtea nangmah hre reng ṭhîntute chu i hmuak ṭhîn a; ngai teh, nang i thinur a, keinin thil kan tisual a; chûngahte chuan rei tak kan lo awm tawh si a, chhandamin kan awm thei ang em le?

⁶Mi bawlhhlawh angin kan lo awm ta vek si a, kan felna zawng zawng pawh silhfên bawlhhlawh ang a ni; kan zain hnah angin kan vuai ṭhîn a, kan khawlohnate hian thli angin min lên bo ṭhîn.

⁷I hming lama nangmah chelh tûra mahni intiharh tu mah rêng rêng an awm lo; kan lakah hian i hmai i thup ta si a, kan khawlohnate hmangin min tiboral ta a ni.

⁸Tûnah erawh chuan, aw LALPA, nang chu kan Pa i ni a; keini hi bellei kan ni a, nang chu min vawtu i ni; tichuan, kan za hian i kutchhuak kan ni.

⁹Aw LALPA, thinur nasa lutuk suh la, kan khawlohnate pawh kumkhua chuan hre reng hek suh ang che; ngai teh, khawngaih takin min en la, kan za hian i mite kan nih hi.

¹⁰I khawpui thianghlimte chu thlalêrah a lo chana, Zion chu thlalêrah a lo chana, Jerusalem chu hmun tihṭiauvah a lo chan tâk hi.

¹¹Kan in thianghlim leh kan in mawi tak, kan puten an lo fak ṭhinna che chu meia hâl a ni a; kan thil duhawmte zawng zawng lah chu tihchhiatin a awm ta vek si a.

¹²Aw LALPA, chûng thilahte chuan i insûm thei dâwn em ni? I ngawi rengin, min tirethei nasa reng dâwn em ni?