Read Mizo_Old_version Jeremia 45 Bible Online

Jeremia 45 - Mizo_Old_version bible

Jeremia 45

¹Juda lal Jehoiakima, Josia fapa kum linaah Jeremia ka ata hêng thute lehkhabua a ziak laia, Neria fapa Baruka hnêna zâwlnei Jeremia thusawi chu:

²“LALPA, Israel Pathian chuan, aw Baruk, i hnênah heti hian a ti:

³‘Nangin, “Ka chung a va pik ta êm! LALPA chuan ka tuarnaah lungngaihna mi belhchhah ta si a. Ka rûm hi ka chauhpui a, hahdamna rêng ka hmu zo lo,” ’ i ti a.

⁴A hnênah chuan heti hian i sawi tûr a ni: ‘LALPA chuan heti hian a ti: “Ngai rawh, ka sak tawh chu ka ṭhiat leh ang a, ka phun tawh chu ka pawt chhuak leh ang, ram pum pui mai chu.

⁵Tin, mahni tân thil ropui i zawng em ni? Zawng lo mai rawh; tîsa zawng zawng chungah thil ṭha lo ka rawn thlen dâwn si a,” tih hi LALPA thuchhuak a ni. “Mahse, i nun zawng i kalna apiangah ka zuahsak hrâm ang che,” ’ ” tiin.