Read Mizo_Old_version Ezekiela 15 Bible Online

Ezekiela 15 - Mizo_Old_version bible

Ezekiela 15

¹Tin, LALPA thu chu ka hnênah a lo thleng a,

²“Mihring fapa, ngaw hnuaia thing zînga grêp hrui chu Thing dang aiin eng nge a nih le?

³A thing chu thil siam nâna hman a ni em? Bungbêl târ nân pawh tuin nge hmang ngai le?

⁴Ngai rawh, meiah paih luh a ni ṭhîn a, fawhkaian; Meiin a kâng ral, a hmâwr tuakah, A kâng zo mai ṭhîn, a laiah chuan. A nei rêng em ni, ṭangkaina?

⁵Ngai teh, a ṭangkai lo, a him lai mahin; A va ṭangkai dâwn lo ve, a kan hnuin.

⁶Chuvângin, Lalpa PATHIAN chuan hetiang hian a ti: ‘Ramhnuai thing zînga grêp hruite, Fawhkai atân meiah ka tuah mai ang chuan, Jerusalem luahtute chu ka siam ang;

⁷Anmahni chu ka hmachhawn ang a, Chhuak teh mah sela, mei ata chu, A kâng zo tho vang e, meiah chuan. LALPA chu ka ni tih an hria ang, Anmahni ka hmachhawn hunah chuan.

⁸Ka tichhe ngei dâwn e, an ram chu, Khawlohna an tih tâk avângin,’ Tih hi LALPA thuchhuak a ni e,” tiin.