Read Mizo_Old_version Daniela 1 Bible Online

Daniela 1 - Mizo_Old_version bible

Daniela 1

¹Juda lal Jehoiakima rorêl kum thumnaah chuan Babulon lal Nebukadnezzara Jerusalem-ah a lo kal a, a hual a.

²Tin, Lalpa chuan Juda lal Jehoiakima chu a kutah a pe a, Pathian in bungbêl ṭhenkhatte nên; tin, ani chuan Sinar rama a pathian inah a kalpui ta a; tin, bungbêlte chu a pathian sum inah a rawn thlen a.

³Tin, lal chuan Israel fate zînga mi, lal thlahte leh mi ṭha fate, tleirâwl demna awm lo, hmêlṭha tak, finna tinrênga remhria, hriatna lama bengvâr, thil bul chhût thiam, lal ina chetla thiam rawn hruai lût tûr leh, Kaldai ṭawng leh thil thiam zirtîr tûrin, a mi tilrehte hotu Aspenaza chu a hrilh a.

⁵Tin, lal chuan lal chaw tui hmêl ata leh a uain in ṭhin ata chu an ni tin chan tûr a ruatsak a, chutianga kum thum châwma, chumi tâwpa lal hmaa an din theih nân.

⁶Tin, hêng zîngah hian Juda fate zînga mi, Daniela te, Hanania te, Misaela te, Azaria te an tel a.

⁷Tin, tilrehte hotu chuan an hming a sa hlawm a; Daniela chu Beltesazzara a vuah a, Hanania chu Sadraka, Misaela chu Mesaka, Azaria chu Abednegoa.

⁸Mahse, Daniela chuan a rilruin lal chaw leh a uain in ṭhinte chuan intihbawlhhlawh loh a tum tlat a; chutichuan, a intihbawlhhlawh loh nân tilrehte hotu chu a dîl a.

⁹Tichuan, Pathianin Daniela chu tilrehte hotu laka duhsakna leh khawngaihna chu a dawntîr a.

¹⁰Tin, tilrehte hotu chuan Daniela hnênah, “In ei tûr leh in in tûr ruattu ka lalpa, lalber chu ka hlau a ni; in hmêl hi tleirâwl, in rualpuite aia chhe zâwkin an rawn hmu ang asin! Chuti a nih chuan lalber lakah ka lu hi hlauhpuiawmin in siam dâwn a ni alâwm,” a ti a.

¹¹Tin, tilrehte hotuin Daniela te, Hanania te, Misaela te, Azaria te enkawltua a siam hnênah chuan Danielan,

¹²“Ka ngên a che, i chhiahhlawhte hi ni sâwm min fiah rawh, ei tûr thlai leh in tûr tuisik min pe mai rawh se.

¹³Tin, i hmaa kan lan dânte leh lal chaw tui hmêl ei tleirâwlte lan dân chu tehkhin ni sela; tin, i hmuh dân angin i chhiahhlawhte chungah hian ti ang che,” a ti a.

¹⁴Tichuan, he thu hi a remtihsak a, anni chu ni sâwm a fiah ta a.

¹⁵Tin, ni sâwm tâwpah chuan lal chaw tui hmêl eitu tleirâwlte zawng zawng ai chuan an hmêl a lang mawi zâwkin an lo thau zâwk mah a.

¹⁶Tichuan, enkawltu chuan an ei tûr leh an uain in tûr chu a la bo va, thlai a pe ta zâwk a.

¹⁷Tichuan, hêng tleirâwl palite hi chu thiamna leh finna zawng zawngah hriatna leh bengvârna Pathianin a pe a, Daniela chuan inlârna leh mumang zawng zawng a hre thiam ta a.

¹⁸Tin, lalin anmahni rawn hruai luhna tûra a ni ruat tâwpah chuan tilrehte hotu chuan anniho chu Nebukadnezzara hmaah chuan a rawn hruai lût a.

¹⁹Tin, lal chuan a lo be hlawm a, anniho zîngah chuan Daniela te, Hanania te, Misaela te, Azaria te ang rêng rêng an awm lo va; chuvângin, lal hmaah chuan an ding ta a.

²⁰Tin, finna leh hriat thiamna thu tinrêng lalin a han zawh chuan a ram pum puia dawivaihthiam leh aikaihthiam zawng zawngte ai chuan a lêt sâwmin an ṭha zâwk tih a hre ta a.

²¹Tin, Daniela chuan Lal Kura kum khatna thlengin a thawk ta zêl a.