Read Mizo_Old_version Hosea 3 Bible Online

Hosea 3 - Mizo_Old_version bible

Hosea 3

¹Tin, LALPA chuan ka hnênah, “Kal leh ta la, hmeichhia, mi dang duh lai, uirenu chu va hmangaih rawh, Israela thlahte chu pathian dang hnên lam hawiin grêp chhang ngaina mah se, LALPAN a hmangaih reng ang bawk hian,” a ti a.

²Chutichuan, tangkaraw sâwm leh panga leh barli homer khat leh homer chanvein amah chu ka lei a.

³Tin, a hnênah, “Ni tam tak chhûng chu ka tân i awm tûr a ni; nawhchi i zuar tûr a ni lo va, tu ma nupui i ni tûr a ni lo. Chutiang bawk chuan kei pawh i lakah ka awm ang,” ka ti a.

⁴Israela thlahte chu ni tam tak lalber leh mi lian leh lungphun serh leh puithiam kawr emaw, milimte emaw nei lovin an awm dâwn si a.

⁵Chumi hunah chuan Israela thlahte chu an inlamlêt ang a, LALPA an Pathian leh an lalber Davida chu an zawng ang a; ni hnuhnûngahte chuan LALPA leh a ṭhatna chu khûr chungin an pan ang.