Read Mizo_Old_version Hosea 8 Bible Online

Hosea 8 - Mizo_Old_version bible

Hosea 8

¹“Tawtawrâwt chu i hmuiah chuktuah rawh. LALPA chhûngte chungah mupui angin a lo kal e, Ka thuthlung an bawhchhiata, Ka dân an helsan avângin.

²‘Ka Pathian, keini Israel-ho chuan kan hria a che,’ Tiin ka hnênah an au vang.

³Israel-ho chuan thil ṭha an hnâwl a, Hmêlmaten an ûm ang.

⁴Ka tih ni lovin anmahni lal an siam a; Ka hriat lohvin hotute an siam a; An boralna tûrin an tangkarua leh rangkachakin milim an insiam a.

⁵Aw Samaria, i sebâwngno lim chu a hnâwl e! An chungah ka thinur êm êm a ni. Eng tikah tak thianghlim leh ang maw?

⁶Israel themthiamte milem siam chu, Pathian a ni lo. A ni, Samaria sebâwngno lim chu tihkeh sawm vek a ni ang;

⁷Thli an chîng a, thli chhia an seng dâwn si a. Kûng ding a nei lo va, zîk chuan rah a chhuah lo vang; Chhuah pawh ni sela, mikhualten an ei zo vang.

⁸Israel-ho chu lem zawhin an awm a ni; Bêl, a chhûnga lâwmna awm lo angin tûnah hian hnam dang zîngah an awm e.

⁹Ramsabengtung mal tla angin Assuria ramah an chho si a; Ephraim chuan ngaihzâwngte a tlawn e.

¹⁰A ni, hnam dangte tlawn ruai mah se, Ka khâwm ang a, Lal leh hotu hriak an thih ṭhin ka tihbânsak rih ang.

¹¹Ephraim chuan maichâm a tipung hi an thiltih sualna lek a ni a, An tân maichâm rêng rêng chu sualna mai a ni.

¹²Ka dân chu ka ziaksak rei rui a; Mahse, thil dang takah an ngai a ni.

¹³Ka tâna thilhlan inthawinate zawng! Sa an hlân a, an ei a; chûng chu LALPAN a pawm lo. Tichuan, an khawlohna a hre reng a, an sual a hrem a, Anni chu Aigupta ramah an kîr leh ang.

¹⁴Israel chuan a Siamtu a theihnghilh a, In ropuite a sa a; Juda chuan khawpui kulhte a tipung a; Mahse, a khawpuiahte chuan mei ka tîr ang a, A in ropuite chu a kâng zo vang.”