Read Mizo_Old_version Amosa 3 Bible Online

Amosa 3 - Mizo_Old_version bible

Amosa 3

¹Aw, Israel fate u, Aigupta ram aṭanga ka hruai chhuah chhûngkuate u, LALPAN hetia a sawisêlna che u thu hi ngaithla rawh u:

²“Nangni chauh hi khawvêla chhûngkua zawng zawnga ka hriat in ni a; chuvângin, in khawlohna zawng zawngahte chuan ka hrem ang che u,” tiin zâwlnei hna.

³An inrem chauh loh chuan mi pahnih an kal dûn ang em ni?

⁴Sakeibakneiin ngawah sa a man lai loh chuan a rûm ngai em ni? Sakeibaknei vânglaiin eng mah a man loh chuan, a pûk ata a rûm ang em ni?

⁵A tân chah a awm loh chuan, sava chu lei chunga thangah a âwk thei em ni? Thang chu eng mah âwk lovin lei aṭangin a per ang em ni?

⁶Khawpuiah mi hlauh lohvin tawtawrâwt an hâm ang em ni? LALPAN a tirh loh chuan khawpuiah chhiatna a lo awm ang em ni?

⁷Dik takin Lalpa PATHIAN chuan a rawngbâwltu, a zâwlneite hnênah a thurûk hrilh lovin eng mah a ti lo vang.

⁸Sakeibaknei a rûm a, tuin nge hlau lo vang? Lalpa PATHIAN chuan thu a sawi a, tuin nge hril lo thei ang?

⁹“Asdod khaw lal inahte leh Aigupta ram lal inahte chuan hril ulangin, ‘Samari tlâng chungahte inkhâwm ulangin; tin, chuta buaina lian tak awmte leh chumi zînga hnehchhiahna awmte chu en rawh u,’ tiin.

¹⁰Pâwngnêk leh tharum thawha an chhuhsakte chu an lal inahte an chhêk khâwm a, dik taka tih an tum hauh lo,” LALPA thuchhuak chuan a ti.

¹¹Chuvângin, Lalpa PATHIAN chuan, “An hmêlmaten an ram chu an rawn hual ang a, an kulhte an tichim ang a, an lal inte pawh an tichhia ang,” a ti a.

¹²LALPA chuan heti hian a ti a: “Berâmpuin sakeibaknei kâ ata a berâm ke pahnih emaw, beng them emaw a chhanchhuak angin, chutiangin Samari khuaa khum kilah leh, khum maimaw puan phan lukham chunga Israel fa awmte chu an chhanchhuak ang,” a ti a.

¹³Engkimtithei Pathian, Lalpa PATHIAN thuchhuak chuan heti hian a ti: “Ngaithla ula, Jakoba chhûngte hriattîr rawh u.

¹⁴An bawhchhiatna avânga Israel ka hrem ni chuan, Bethel khuaa maichâmte ka tichim ang a, a kîte a tliak vek ang a, leiah a tla ang.

¹⁵Tin, thlasik in leh nipui in ka vaw chhia ang a; saingho inte chu a boral ang a, in ropui zawng zawng pawh tihchhiat a ni ang.”