Read Mizo_Old_version Numbers 24 Bible Online

Numbers 24 - Mizo_Old_version bible

Numbers 24

¹Chutichuan, Israel-ho malsâwmsak chu LALPA duh zâwng a ni tih Balaaman a hriatin, ni danga a tih ang khân dawi âtna lam ti tûra kal lovin thlalêr lam a pan ta zâwk a.

²Tin, Balaama chu a vanvadâk a, Israel mite chu an hnam dân zir zêla awm a hmu a; tin, Pathian thlarau a chungah a lo thleng a.

³Tin, thu chu a sawi ta a: “Beora fapa Balaama, Mit vâra,

⁴Pathian thute hriaa, Engkimtitheia inlârna hmua, Tlu bawkkhupa mit lo vâr ta chuan,

⁵‘Aw Jakob-ho, in puan inte chu a va ṭha êm! Aw Israel-ho, in biakbûkte chu!

⁶Ruam angin a pharh duai a, Lui kama huan ang, LALPA phun sasua ang, Lui kama sidar thingte ang an ni.

⁷Ruahtui tam tak a dawng ang a, Tui tamna hmunah thlai chîte a chîng ang. A lal chu Agaga aiin a ropui ang a; A ram chu chawimawiin a awm ang.

⁸Aigupta ata Pathianin a hruai chhuak a, Sele tha ang mai an pu a, An hmêlma, hnam dangte chu an ei zo vang a, An thalin an kâp tlang ang.

⁹An kûn a, sakeibaknei angin an bawk a, Sakeibakneipui ang maiin; tu nge titho ngam ang? Malsâwmtu apiang che u chu malsâwmin awm sela, Anchhe lawhtu apiang che u chu ânchhe lawhin awm rawh se,’ a ti,” a ti a.

¹⁰Tichuan, Balaama chungah chuan Balaka thin chu a alh a; Balaka chuan Balaama hnênah, “Ka hmêlmate ânchhe lawh tûrin ka ko chia, hei, vawi thum zet mal i sâwm ta a.

¹¹Chuvângin, i awmnaah kal bo daih rawh; ropui taka chawisân che ka rilrûk a ni a; nimahsela, ngai teh, LALPAN chawisân che a dâl ta a nih hi,” a ti a.

¹²Tin, Balaama chuan Balaka hnênah, “Balaka hian a in chu tangkarua leh rangkachaka khatin min pe dâwn mah sela, a ṭha lam emaw, a chhe lam emaw, keima rilru puakchhuak chuan LALPA thu piah lam chu eng mah ka ti thei lo; ‘LALPAN a sawi apiang chu ka sawi ang,’ tiin i mi tirhte hnênah pawh ka sawi rêng a ni lâwm ni?

¹⁴“Ngai teh, ka mite hnênah ka kal tawh ang a, hawh teh, hêng mite hian tûn hnua i mite chunga an tih dân tûr ka hrilh teh ang che,” a ti a.

¹⁵Tin, ani chuan thu chu a sawi ta a: “Beora fapa Balaama, Mit vâra,

¹⁶Pathian thute hriaa, Chungnungbera hriatna hriaa, Engkimtitheia inlârna hmua, Tlu bawkkhupa mit lo vâr ta chuan,

¹⁷Nakin hnua a awm dân tûr ka hmu a, Tûn mai piah lam ka hmuhsak a: ‘Jakoba aṭangin lal tiang a lo chhuak ang a, Israela aṭangin arsi a lo chhuak ang a, Moab ram tluanin a chhun tlang ang a, Setha thlahte a titlâwm ang.

¹⁸A hmêlma ṭhîn Edom leh Seir-te chu a chang ang, Israel-te chan a ṭhat chhûng zawng.

¹⁹Jakoba aṭangin tu emaw a lal ang a, Khuaa la awm chhunte chu a tiboral ang,’ a ti,” a ti a.

²⁰Tin, Amalek lam a hawi a, thu chu a sawi a, “Amalek chu hnam bul ber a ni na a, A lêr lam chu boralna a ni,” a ti a.

²¹Tin, Ken lam a hawi a, thu chu a sawi a, “I awmna hmun chu a nghet a, I bu chu lungpuia chheh a ni.

²²Mahse, Kain chu a ṭiau vang a, Assur-hovin sala an hruai bo che thlengin,” a ti.

²³Tin, thu chu a sawi leh a, “Pathianin hetianga a tihin tu nge nung thei ang le?

²⁴Mahse, Kittim ram aṭangin lawngte a lo thleng ang a, Assur an tihrehawm ang a, Eber an tihrehawm ang a, Ani pawh a boral ang,” a ti a.

²⁵Tichuan, Balaama chu a tho va, a khaw lamah a haw ta a; Balaka pawh chu a haw ve ta a.