Read Mizo_Old_version Numbers 26 Bible Online

Numbers 26 - Mizo_Old_version bible

Numbers 26

¹Tin, hremna a reh hnuah chuan heti hi a ni a, LALPAN Mosia leh puithiam Arona fapa Eleazara chu a bia a,

²“Israela thlahte pung khâwmho zawng zawng chu, kum sawmhnih achin chung lam, a chi chiin Israel rama râlkai chin zawng zawng chhiar vek rawh u,” tiin.

³Tichuan, Mosia leh puithiam Eleazara chuan Jeriko zâwn, Jordan kam, Moab phaiah anniho chu an bia a,

⁴“Mipuite chu kum sawmhnih achin chung lam chhiar rawh u,” tiin, LALPAN Mosia leh Aigupta ram aṭanga lo chhuak Israela thlahte hnêna thu a pêk ang khân.

⁵Israela fa tîr chu Reubena a ni a. Reubena fapate: Hanok-ho chhûngkaw zînga mi Hanoka; Palu-ho chhûngkaw zînga mi Palua;

⁶Hezron-ho chhûngkaw zînga mi Hezrona; Karmi-ho chhûngkaw puipa Karmia.

⁷Hêngho hi Reuben-ho chhûngkua an ni: chhiar tling zawng zawngte chu 43,730 an ni.

⁸Palua thlah, Eliaba.

⁹Tin, Eliaba thlahte: Nemuela, Dathana, Abirama an ni. Hêng Dathana te leh Abirama te hi an ni, LALPA an beih laia Mosia leh Arona beitu Kora pâwla tel pung khâwmho thlahte chu;

¹⁰tin, chumi pâwl an thih lai chuan leiin a kâ a âng a, Kora te nên chuan a lem tlâng a, meiin mi zahnih leh sawmnga a lem ṭum khân; tichuan, chhinchhiahna an lo ni ta a.

¹¹Amaherawhchu, Kora fapate chu an thi lo.

¹²A chhûngkua kuain Simeona thlahte: Nemuela thlahte Nemuel-ho, Jamina thlahte Jamin-ho; Jakina thlahte Jakin-ho;

¹³Zera thlahte Zera-ho; Saula thlahte Saul-ho an ni.

¹⁴Hêngho hi Simeona thlahte chu an ni a, 22,200 an ni.

¹⁵A chhûngkua kuain Gada fapate: Zephona thlahte Zephon-ho; Hagia thlahte Hagi-ho; Sunia thlahte Suni-ho;

¹⁶Oznia thlahte Ozni-ho; Eria thlahte Eri-ho;

¹⁷Aroda thlahte Arod-ho; Arelia thlahte Areli-ho.

¹⁸Hêngho hi an chhiar dân anga Gada fapate thlahte chu an ni a, 40,500 an ni.

¹⁹Tin, Juda fapate, Era leh Onana: Era leh Onana chu Kanaan ramah an thi a.

²⁰Tin, Juda thlahte chhûngkaw kal dân chu hetiang hi a ni: Sela thlahte Sela-ho; Pereza thlahte Perez-ho; Zera thlahte Zera-ho an ni.

²¹Tin, Pereza thlahte chu: Hezrona thlahte Hezron-ho; Hamula thlahte Hamul-ho an ni.

²²Hêngho hi an chhiar dân anga Juda fapate thlahte chu an ni a, 76,500 an ni.

²³A chhûngkua kuain Isakara thlahte: Tola thlahte Tola-ho; Pua thlahte Pu-ho;

²⁴Jasuba thlahte Jasub-ho; Simrona thlahte Simron-ho an ni.

²⁵Hêng hi an chhiar dân anga Isakara fapate thlahte an ni a, 64,300 an ni.

²⁶A chhûngkua kuain Zebuluna thlahte: Sereda thlahte Sered-ho; Elona thlahte Elon-ho; Jahleela thlahte Jaleel-ho an ni.

²⁷Hêng hi an chhiar dân anga Zebulun-ho thlahte chu an ni a, 60,500 an ni.

²⁸A chhûngkua kuain Josefa thlahte: Manasea leh Ephraima.

²⁹Manasea thlahte: Makira thlahte Makir-ho; tin, Makiran Gileada a hring a; Gileada thlahte Gilead-ho an ni.

³⁰Hêng hi Gileada thlahte an ni: Iezera thlahte Iezer-ho; Heleka thlahte Helek-ho;

³¹Asriela thlahte Asriel-ho; Sekema thlahte Sekem-ho;

³²Semida thlahte Semida-ho; Hephera thlahte Hepher-ho an ni.

³³Tin, Hephera fapa Zelophehada chuan fapate nei lovin fanute a nei a: Zelophehada fanute hming chu Malai te, Novai te, Hoglai te, Milkai te, Tirzai te an ni.

³⁴Hêngte hi Manasea thlahte an ni. An chhiar zawngte chu 52,700 an ni.

³⁵Hêng hi a chhûngkua kuain Ephraima thlahte an ni: Suthela thlahte Suthel-ho; Bekera thlahte Beker-ho; Tahana thlahte Tahan-ho an ni.

³⁶Tin, hêng hi Suthela thlahte an ni: Erana thlahte Eran-ho an ni.

³⁷Hêng hi an chhiar dân anga Ephraima thlahte chhûngkua an ni a, 32,500 an ni. Hêng hi an chhûngkaw indawt dân ang zêla Josefa thlahte an ni.

³⁸A chhûngkua kuain Benjamina thlahte: Bela thlahte Bela-ho; Asbela thlahte Asbel-ho; Ahirama thlahte Ahiram-ho;

³⁹Suphama thlahte Supham-ho; Huphama thlahte Hupham-ho an ni.

⁴⁰Tin, Bela thlahte chu Arda leh Naamana an ni: Arda thlahte Ard-ho; Naamana thlahte Naaman-ho an ni.

⁴¹Hêng hi an chhûngkaw indawt dân ang zêla Benjamina thlahte an ni; tin, an chhiar zawngte chu 45,600 an ni.

⁴²Hêng hi a chhûngkua kuain Dana thlahte an ni: Suhama thlahte Suham-ho an ni. Hêng hi an chhûngkaw indawt dân ang zêla Dana thlahte an ni.

⁴³Suham-ho thlahte zawng zawng an chhiar dân ang chuan 64,400 an ni.

⁴⁴Hêng hi a chhûngkua kuain Asera thlahte: Imna thlahte Imna-ho; Isvia thlahte Isvi-ho; Beria thlahte Beria-ho an ni.

⁴⁵Beria thlahte: Hebera thlahte Heber-ho; Malkiela thlahte Malkiel-ho an ni.

⁴⁶Asera fanu hming chu Seri a ni.

⁴⁷Hêng hi Asera fapate thlahte an chhiar zawngte chu an ni a, 53,400 an ni.

⁴⁸A chhûngkua kuain Naphtalia thlahte: Jazeela thlahte Jazeel-ho; Gunia thlahte Guni-ho;

⁴⁹Jezera thlahte Jezer-ho; Silema thlahte Silem-ho an ni.

⁵⁰Heng hi an chhûngkaw indawt dân ang zêla Naphtalia thlahte an ni; an chhiar zawngte chu 45,400 an ni.

⁵¹Hêng hi Israela thlah an chhiar zawngte chu an ni a, 6,01,730 an ni.

⁵²Tin, LALPAN Mosia a bia a,

⁵³“Hêngho hi an tam lam ang zêlin ram hi semsak tûr a ni.

⁵⁴A tam deuhte chu ram i pe tam ang a, a tlêm deuhte chu ram i pe tlêm ang a; chhiar dân ang chuan ram pêk ṭheuh tûr a ni.

⁵⁵Amaherawhchu, ṭhumvâwrin ram chu sem tûr a ni; an pute hnam hming indawt dân ang zêlin ram chu an chang ang.

⁵⁶Ṭhumvâwr ang zêlin ram chu a tam leh a tlêmte hnênah sem a ni ang,” a ti a.

⁵⁷Tin, hêng hi Levi-ho chhûngkua kuaa chhiarte chu an ni: Gersona thlahte Gerson-ho; Kohatha thlahte Kohath-ho; Meraria thlahte Merari-ho an ni.

⁵⁸Hêngho hi Levia thlahte an ni: Libna thlahte, Hebrona thlahte, Mahlia thlahte, Musia thlahte, Kora thlahte an ni. Tin, Kohatha chuan Amrama a hring a.

⁵⁹Tin, Amrama nupui hming chu Jokebedi, Levia fanu, Aigupta rama Levia laka piang a ni a; tin, ani chuan Amrama lakah Arona leh Mosia leh an farnu Miriami a hring a.

⁶⁰Tin, Arona chuan Nadaba te, Abihua te, Eleazera te, Ithamara te a hring a.

⁶¹Tin, Nadaba leh Abihua chu LALPA hmaa hman loh tûr chi mei an hman lai khân an thi a.

⁶²Tin, chhiar zawng zawng mipa thla khat achin chung lam zawng zawngte chu 23,000 an ni. Israel mite zîngah ram sem chang ve tûr an nih loh avângin Israel mite zîngah chhiar an ni lo va.

⁶³Hêngte hi a ni Jeriko zâwn, Jordan kam, Moab phaia Israela thlahte chhiartu Mosia leh puithiam Eleazaran an chhiarte chu.

⁶⁴Sinai thlalêra Israel mite Mosia leh puithiam Aronan an chhiarte kha pakhat mah awm an awm tawh lo.

⁶⁵LALPAN, “Thlalêrah an thi ngei ngei tûr a ni,” a lo ti tawh si a. Jephunea fapa Kaleba leh Nuna fapa Josua lo chu tu mah dam an awm tawh lo.