Read Mizo_Old_version Numbers 31 Bible Online

Numbers 31 - Mizo_Old_version bible

Numbers 31

²“Midian-ho chungah Israela thlahte phuba la rawh. Chumi zawhah chuan i chipuite hnênah hruai i ni tawh ang,” tiin.

³Tichuan, Mosia chuan mipuite chu a bia a, “Midian-ho chunga LALPA phuba lâkna hlen tûra Midian-ho beia indo tûrin in zînga mi inrâlthuam rawh se.

⁴Israel hnam zawng zawng zînga hnam tina mi sângkhat zêl indonaah in kaltîr tûr a ni,” tiin.

⁵Chutichuan, Israel-ho sâng tam tak zîng ata, hnam tin aṭangin 1,000 ṭheuh, indonaa kal tûrin sipai 12,000 an theh chhuak a.

⁶Tichuan, Mosian chi tin zînga mi 1,000 ṭheuh leh puithiam Eleazara fapa Phinehasa, hmun thianghlima bungbêlte, thupêk vêl nâna tawtawrâwtte kengin indonaah a kaltîr a.

⁷Tin, LALPAN Mosia thu a pêk angin Midian-ho an do va; mipa zawng zawng an that a.

⁸An mi thahte zîngah chuan Midian-ho lalte pawh an tel a; Midian-ho lal panga - Evia te, Rekema te, Zura te, Hura te, Reba te chu; Beora fapa Balaama pawh khandaihin an that a.

⁹Tin, Israela thlahte chuan Midian-ho nunaute salah an hruai a; tin, an ran zawng zawng te, an berâm rual zawng zawng te, an bungrua zawng zawngte chu râllâk sum atân an la a.

¹⁰An awmna khua zawng zawng te, an riahhmun zawng zawngte an hâl vek a.

¹¹Tin, mihring leh ran, sal leh râllâk sum zawng zawng an kalpui vek a.

¹²Tin, sal te, man te, râllâk sumte chu Mosia leh puithiam Eleazara leh Israela thlah pung khâwmho hnênah, Jeriko zâwn Jordan kam Moab phaia an riahhmunah chuan an rawn thlen a.

¹³Tin, Mosia leh puithiam Eleazara leh pung khâwmho puipa zawng zawngte chuan daiah an lo va hmuak a.

¹⁴Tin, Mosia chu sipai hotu, sâng chunga hotute leh za chunga hotu te, indona aṭanga lo hawte chungah chuan a thinur a.

¹⁵Tichuan, Mosian an hnênah, “Hmeichhia chu damin in la zuah vek maw?

¹⁶Ngai teh u, Balaama remruat chuan Peor chungchâng thu-ah, Israela thlahte chu LALPA chunga bawhchhiatna tithlengtute chu hêng hi an ni, LALPA mi pung khâwmho zîngah chuan hri a lo lên tâk kha.

¹⁷Chuvângin, naupang zînga mipa zawng zawng chu that ula, hmeichhia mi pâwl tawh zawng zawng that bawk rawh u.

¹⁸Hmeichhe naupang, mi pâwl loh zawng zawng erawh chu in tân zuah rawh u.

¹⁹Tin, daiah ni sarih riak ula; tu pawh mi that leh mitthi khawih apiangte chu ni thum ni leh ni sarih niah inthian rawh u, nangmahni leh in salte pawh.

²⁰Tin, thuamhnaw rêng rêng leh savuna thil siam zawng zawng te, kêl hmula thil siam zawng zawng te, thinga thil siam zawng zawng thu-ah chuan in inthian tûr a ni,” a ti a.

²¹Tin, puithiam Eleazara chuan indonaa kal indo mite hnênah chuan, “Hei hi LALPAN Mosia thu a pêk dân thuruat chu a ni:

²²eng pawh ni sela, rangkachak te, tangkarua te, dâr te, thîr te, rângva te, suan te,

²³eng pawh meia hâla chhe thei lo apiangte chu meiah in thawlh tlang ang a; tichuan, a lo thianghlim ang; eng pawh ni sela, tlen faina tuiin tihthianghlim tûr a ni. Amaherawhchu, meia hâl tuar thei lo apiang chu tuiah in thawlh tlang tûr a ni.

²⁴Tin, a ni sarih niah in puan in su ang a, in lo thianghlim ang a, chumi zawhah chuan riahhmunah in lo lût dâwn nia,” a ti a.

²⁵Tin, LALPAN Mosia a bia a,

²⁶“Nang nên, puithiam Eleazara nên, pung khâwmho chhûngkaw puipate nên râllâk suma an lâk mihring leh rante chu chhiar vek ula;

²⁷tin, râllâk sum chu hmun hnihah ṭhen ula, indonaa kal indo mite tân leh punghote tân;

²⁸tin, indonaa kalho chan aṭang chuan mihring te, bâwng te, sabengtung te, berâm te, thil nung zawng zawng zanga zêlah pakhat, LALPA hnênah chhiah pêk tûr tihhransak rawh.

²⁹Chûng chu la ula, LALPA tâna thên thilhlanah puithiam Eleazara pe rawh u.

³⁰Tin, a chanve Israela thlahte pual chu sawmnga ata pakhat tîl hrang zêl la, mihring aṭang te, bâwng aṭang te, sabengtung aṭang te, berâm rual aṭang te, ran rual aṭangtein; tin, chûng chu LALPA biakbûk enkawltu Levi-hote pe rawh,” a ti a.

³¹Tichuan, LALPAN Mosia thu a pêk ang chuan Mosia leh puithiam Eleazara chuan an ti a.

³²Sipaiten an man râllâk sum tiam lovin an lâk chu berâm 6,75,000,

³³bâwng 72,000,

³⁴sabengtung 61,000,

³⁵mihring chu hmeichhia, mipa la pâwl ngai loh 32,000 an ni a.

³⁶Tin, a chanve, indonaa kalte chanvo chu, berâm 3,37,500 a ni a;

³⁷tin, LALPA chhiah berâm chu 675.

³⁸Tin, bâwng chu 36,000 a ni a, chumia LALPA chhiah chu 72 a ni a.

³⁹Tin, sabengtung chu 30,500 a ni a, chumia LALPA chhiah chu 61 a ni.

⁴⁰Tin, mihring chu 16,000 an ni a, chumia LALPA chhiah chu mi 32 an ni.

⁴¹Tin, LALPAN Mosia thu a pêk angin chhiah, LALPA thên thilhlan chu Mosian puithiam Eleazara a pe a.

⁴²Tin, Mosian râl kâp mite an chanvo a pêk zawha Israel-ho chanvo chu,

⁴³berâm 3,37,500,

⁴⁴bâwng 36,000,

⁴⁵sabengtung 30,500, mihring 16,000,

⁴⁶Israel-hovin an chan aṭang chuan Mosia chuan mihring leh ran sawmnga zêlah pakhat a la a, LALPA thupêk angin LALPA biakbûk enkawltu Levi-ho a pe a.

⁴⁷

⁴⁸Tin, sipaite chunga hotu te, za chunga hotu te chuan Mosia an va hnaih a,

⁴⁹Mosia hnênah, “I chhiahhlawhte hian kan kuta awm indo mite chu kan chhiar a, tu mah kim lo kan awm lo va.

⁵⁰Tin, kan nunna atân LALPA hmaa inremna siamna tûrin LALPA tâna thilhlan miin an neihzâwng, rangkachaka siam cheimawi thuam - kebun te, bânbun te, hming nemna zungbun te, bengbeh te, ṭhî te kan rawn la e,” an ti a.

⁵¹Tin, Mosia leh puithiam Eleazara chuan rangkachaka siam an thuam zawng zawng chu an lo la a.

⁵²Sâng chunga hotu leh za chunga hotute rangkachak, LALPA hnêna thên thilhlana an hlan zawng zawng chu sekel 16,750 a ni.

⁵³(Râl kâp mite chuan râllâk sum chu mahni tân ṭheuhva la an ni a.)

⁵⁴Tin, Mosia leh puithiam Eleazara chuan sâng chunga hotu leh za chunga hotute rangkachak chu an la a, Israela thlahte hriat rengna atân inbiakna puan inah LALPA hmaah an rawn la a.