Read Mizo_Old_version Numbers 7 Bible Online

Numbers 7 - Mizo_Old_version bible

Numbers 7

¹Chutichuan, Mosian biakbûk chu a din zawha, hriak a thiha, a tihthianghlima, a bungrua zawng zawng leh a maichâm leh a bungbêl zawng zawng hriak a thiha, a tihthianghlim ni chuan heti hi a ni a,

²Israel-ho puipa, an chhûngkaw puipate chuan thilhlan an hlân a, chûngho chu an hnam puipate, an chhiarhote chunga awm an ni a:

³an thilhlante chu, tawlailîr chung nei paruk leh bâwngpa sâwm leh pahnih, puipa pahnihin tawlailîr pakhat zêl, pakhatin bâwngpa pakhat zêl LALPA hmaah an rawn la a, biakbûk bulah chuan an rawn hlân a.

⁴Tin, LALPAN Mosia a bia a,

⁵“Biakbûk hna atân a ṭangkai dâwn a, lo la hlawm rawh khai; Levi-ho, an hna zir ang zêlin i pe ṭheuh dâwn nia,” tiin.

⁶Tichuan, Mosian tawlailîrte leh bâwngpate chu a la a, Levi-hote chu a pe a.

⁷Tawlailîr pahnih leh bâwngpa pali chu Gersona fapate chu an hna azir zêlin a pe a.

⁸Tin, tawlailîr pali leh bâwngpa pariat chu puithiam Arona fapa Ithamara ho, Meraria fapate chu an hna azir zêlin a pe a.

⁹Kohatha fapate erawh chu a pe ve lo; hmun thianghlim hna chu an pual a ni a, a zâwna zâwn ṭhîn an ni.

¹⁰Puipahote chuan hriak thih ni chuan maichâm hlan nâna an thilhlante chu maichâm bulah an hlân a.

¹¹Tin, LALPAN Mosia hnênah, “Puipa tinin maichâm hlan nâna an thilpêk chu a indawt zêlin ni tin an hlân tûr a ni,” a ti a.

¹²Ni khat nia a thilhlan hlântu tûr chu Juda chi Aminadaba fapa Nasona a ni a.

¹³A thilhlan chu tangkaraw thlêng pakhat, a rih lam sekel za leh sawmthum, hmun thianghlima sekel sawmsarih tluka rit tangkaraw berhbu pakhat, chhangphut thilhlan atân hriaka chawhpawlh chhangphut dip taka khat ve ve;

¹⁴sekel sâwm tluka rit rimtuia khat rangkachak fian pakhat;

¹⁵hâlral thilhlan atân bâwngpatuai pakhat, berâmpa pakhat, berâmno a pa kum khat mi pakhat;

¹⁶sual thawi nân kêlpa pakhat;

¹⁷tin, remna inthawi thilhlan atân bâwngpa pahnih, berâmpa panga, kêlpa panga, berâmno a pa kum khat mi panga. Hêng hi Aminadaba fapa Nasona thilhlante chu a ni.

¹⁸Ni hnih ni chuan Isakar-ho puipa Zuara fapa Nethanela chuan a hlân a.

¹⁹A thilhlan atân chuan tangkaraw thlêng pakhat, a rih lam sekel za leh sawmthum, hmun thianghlima sekel sawmsarih tluka rit tangkaraw berhbu pakhat, chhangphut thilhlan atân hriaka chawhpawlh chhangphut dip taka khat ve ve;

²⁰sekel sâwm tluka rit rimtuia khat rangkachak fian pakhat;

²¹hâlral thilhlan atân bâwngpatuai pakhat, berâmpa pakhat, berâmno a pa kum khat mi pakhat;

²²sual thawi nân kêlpa pakhat;

²³tin, remna inthawi thilhlan atân bâwngpa pahnih, berâmpa panga, kêlpa panga, berâmno a pa kum khat mi panga a hlân a. Hêng hi Zuara fapa Nethanela thilhlante chu a ni.

²⁴Ni thum ni chuan Zebuluna thlahte puipa Helona fapa Eliaba chuan a hlân a.

²⁵A thilhlan chu tangkaraw thlêng pakhat, a rih lam sekel za leh sawmthum, hmun thianghlima sekel sawmsarih tluka rit tangkaraw berhbu pakhat, chhangphut thilhlan atân hriaka chawhpawlh chhangphut dip taka khat ve ve;

²⁶sekel sâwm tluka rit rimtuia khat rangkachak fian pakhat;

²⁷hâlral thilhlan atân bâwngpatuai pakhat, berâmpa pakhat, berâmno a pa kum khat mi pakhat;

²⁸sual thawi nân kêlpa pakhat;

²⁹tin, remna inthawi thilhlan atân bâwngpa pahnih, berâmpa panga, kêlpa panga, berâmno a pa kum khat mi panga a ni. Hêng hi Helona fapa Eliaba thilhlante chu a ni.

³⁰Ni li ni chuan Reubena thlahte puipa Sedeura fapa Elizura chuan a hlân a.

³¹A thilhlan chu tangkaraw thlêng pakhat, a rih lam sekel za leh sawmthum, hmun thianghlima sekel sawmsarih tluka rit tangkaraw berhbu pakhat, chhangphut thilhlan atâna hriak chawhpawlh chhangphut dip taka khat ve ve;

³²sekel sâwm tluka rit rimtuia khat rangkachak fian pakhat;

³³hâlral thilhlan atân bâwngpatuai pakhat, berâmpa pakhat, berâmno a pa kum khat mi pakhat;

³⁴sual thawi nân kêlpa pakhat;

³⁵tin, remna inthawi thilhlan atân bâwngpa pahnih, berâmpa panga, kêlpa panga, berâmno a pa kum khat mi panga a ni. Hêng hi Sedeura fapa Elizura thilhlante chu a ni.

³⁶Ni nga ni chuan Simeona thlah Zurisadaia fapa Selumiela chuan a hlân a.

³⁷A thilhlan chu tangkaraw thlêng pakhat, a rih lam sekel za leh sawmthum, hmun thianghlima sekel sawmsarih tluka rit tangkaraw berhbu pakhat, chhangphut thilhlan atân hriaka chawhpawlh chhangphut dip taka khat ve ve;

³⁸sekel sâwm tluka rit rimtuia khat rangkachak fian pakhat;

³⁹hâlral thilhlan atân bâwngpatuai pakhat, berâmpa pakhat, berâmno a pa kum khat mi pakhat;

⁴⁰sual thawi nân kêlpa pakhat;

⁴¹tin, remna inthawi thilhlan atân bâwngpa pahnih, berâmpa panga, kêlpa panga, berâmno a pa kum khat mi panga a ni. Hêng hi Zurisadaia fapa Selumiela thilhlante chu a ni.

⁴²Ni ruk ni chuan Gada thlahte puipa Deuela fapa Eliasapha chuan a hlân a.

⁴³A thilhlan chu tangkaraw thlêng pakhat, a rih lam sekel za leh sawmthum, hmun thianghlima sekel sawmsarih tluka rit tangkaraw berhbu pakhat, chhangphut thilhlan atân hriaka chawhpawlh chhangphut dip taka khat ve ve;

⁴⁴sekel sâwm tluka rit rimtuia khat rangkachak fian pakhat;

⁴⁵hâlral thilhlan atân bâwngpatuai pakhat, berâmpa pakhat, berâmno a pa kum khat mi pakhat;

⁴⁶sual thawi nân kêlpa pakhat;

⁴⁷tin, remna inthawi thilhlan atân bâwngpa pahnih, berâmpa panga, kêlpa panga, berâmno a pa kum khat mi panga a ni. Hêng hi Deuela fapa Eliasapha thilhlante chu a ni.

⁴⁸Ni sarih ni chuan Ephraima thlahte puipa Amihuda fapa Elisama chuan a hlân a.

⁴⁹A thilhlan chu tangkaraw thlêng pakhat, a rih lam sekel za leh sawmthum, hmun thianghlima sekel sawmsarih tluka rit tangkaraw berhbu pakhat, hâlral thilhlan atân hriaka chawhpawlh chhangphut dip taka khat ve ve;

⁵⁰sekel sâwm tluka rit rimtuia khat rangkachak fian pakhat;

⁵¹hâlral thilhlan atân bâwngpatuai pakhat, berâmpa pakhat, berâmno a pa kum khat mi pakhat;

⁵²sual thawi nân kêlpa pakhat;

⁵³tin, remna inthawi thilhlan atân bâwngpa pahnih, berâmpa panga, kêlpa panga, berâmno a pa kum khat mi panga a ni. Hêng hi Amihuda fapa Elisama thilhlante chu a ni.

⁵⁴Ni riat ni chuan Manasea thlahte puipa Pedazura fapa Gamaliela chuan a hlân a.

⁵⁵A thilhlan chu tangkaraw thlêng pakhat, a rih lam sekel za leh sawmthum, hmun thianghlima sekel sawmsarih tluka rit tangkaraw berhbu pakhat; chhangphut thilhlan atâna hriak chawhpawlh chhangphut dip taka khat ve ve;

⁵⁶sekel sâwm tluka rit rimtuia khat rangkachak fian pakhat;

⁵⁷hâlral thilhlan atân bâwngpatuai pakhat, berâmpa pakhat, berâmno a pa kum khat mi pakhat,

⁵⁸sual thawi nân kêlpa pakhat;

⁵⁹tin, remna inthawi thilhlan atân bâwngpa pahnih, berâmpa panga, kêlpa panga, berâmno a pa kum khat mi panga a ni. Hêng hi Pedazura fapa Gamaliela thilhlante chu a ni.

⁶⁰Ni kua ni chuan Benjamina thlah Gideonia fapa Abidana chuan a hlân a.

⁶¹A thilhlan chu tangkaraw thlêng pakhat, a rih lam sekel za leh sawmthum, hmun thianghlima sekel sawmsarih tluka rit tangkaraw berhbu pakhat, chhangphut thilhlan atân hriaka chawhpawlh chhangphut dip taka khat ve ve;

⁶²sekel sâwm tluka rit rimtuia khat rangkachak fian pakhat,

⁶³hâlral thilhlan atân bâwngpatuai pakhat, berâmpa pakhat, berâmno a pa kum khat mi pakhat;

⁶⁴sual thawi nân kêlpa pakhat;

⁶⁵tin, remna inthawi thilhlan atân bâwngpa pahnih, berâmpa panga, kêlpa panga, berâmno a pa kum khat mi panga a ni. Hêng hi Gideonia fapa Abidana thilhlante chu a ni.

⁶⁶Ni sâwm ni chuan Dana thlahte puipa Amisadaia fapa Ahiezera chuan a hlân a.

⁶⁷A thilhlan chu tangkaraw thlêng pakhat, a rih lam sekel za leh sawmthum, hmun thianghlima sekel sawmsarih tluka rit tangkaraw berhbu pakhat, chhangphut thilhlan atân hriaka chawhpawlh chhangphut dip taka khat ve ve;

⁶⁸sekel sâwm tluka rit rimtuia khat rangkachak fian pakhat;

⁶⁹hâlral thilhlan atân bâwngpatuai pakhat, berâmpa pakhat, berâmno a pa kum khat mi pakhat;

⁷⁰sual thawi nân kêlpa pakhat;

⁷¹tin, remna inthawi thilhlan atân bâwngpa pahnih, berâmpa panga, kêlpa panga, berâmno a pa kum khat mi panga a ni. Hêng hi Amisadaia fapa Ahiezera thilhlante chu a ni.

⁷²Ni sâwm leh ni khat ni chuan Asera thlahte puipa Okrana fapa Pagiela chuan a hlân a.

⁷³A thilhlan chu tangkaraw thlêng pakhat, a rih lam sekel za leh sawmthum, hmun thianghlima sekel sawmsarih tluka rit tangkaraw berhbu pakhat, chhangphut thilhlan atân hriaka chawhpawlh chhangphut dip taka khat ve ve;

⁷⁴sekel sâwm tluka rit rimtuia khat rangkachak fian pakhat;

⁷⁵hâlral thilhlan atân bâwngpatuai pakhat, berâmpa pakhat, berâmno a pa kum khat mi pakhat;

⁷⁶sual thawi nân kêlpa pakhat;

⁷⁷tin, remna inthawi thilhlan atân bâwngpa pahnih, berâmpa panga, kêlpa panga, berâmno a pa kum khat mi panga a ni. Hêng hi Okrana fapa Pagiela thilhlante chu a ni.

⁷⁸Ni sâwm leh ni hnih ni chuan Naphthalia thlahte puipa Enana fapa Ahira chuan a hlân a.

⁷⁹A thilhlan chu tangkaraw thlêng pakhat, a rih lam sekel za leh sawmthum, hmun thianghlima sekel sawmsarih tluka rit tangkaraw berhbu pakhat, chhangphut thilhlan atan hriak chawhpawlh chhangphut dip taka khat ve ve;

⁸⁰sekel sâwm tluka rit rimtuia khat rangkachak fian pakhat;

⁸¹hâlral thilhlan atân bâwngpatuai pakhat, berâmpa pakhat, berâmno a pa kum khat mi pakhat;

⁸²sual thawi nân kelpa pakhat;

⁸³tin, remna inthawi thilhlan atân bâwngpa pahnih, berâmpa panga, kêlpa panga, berâmno a pa kum khat mi panga a ni. Hêng hi Enana fapa Ahira thilhlante chu a ni.

⁸⁴Tichuan, maichâm hriak thih nia Israel puipaho thilhlante chu tangkaraw thlêng sâwm leh pahnih, tangkaraw berhbu sâwm leh pahnih, rangkachak fian sâwm leh pahnih a ni a;

⁸⁵tangkaraw thlêng chu sekel za leh sawmthum tluka rit ṭheuh a ni a, berhbu chu sawmsarih ṭheuh a ni. Tangkaraw bungbêl zawng zawng chu hmun thianghlima sekel sînghnih leh zali tluka rit a ni.

⁸⁶Rimtuia khat rangkachak fian sâwm leh pahnih chu hmun thianghlima sekel sâwm tluka rit ṭheuh a ni; rangkachak fian zawng zawng chu sekel za leh sawmhnih tluka rit a ni.

⁸⁷Hâlral thilhlan atâna bâwngpa zawng zawng chu sâwm leh pahnih a ni a, berâmpa sâwm leh pahnih, berâmno a pa kum khat mi sâwm leh pahnih, an chhangphut thilhlante nên; tin, sual thawi nân kêlpa sâwm leh pahnih;

⁸⁸tin, remna inthawi thilhlan atâna bâwng chu bâwngpa sawmhnih leh pali a ni a, berâmpa chu sawmruk, kêlpa chu sawmruk, berâmno a pa kum khat mi chu sawmruk a ni. Hei hi hriak thih hnua maichâm hlan nâna thilpêkte chu a ni.

⁸⁹Chutichuan, inbiakna puan ina amah be tûra Mosia a luh chuan, thuthlung bâwm chunga zahngaihna ṭhutphah chung lama cherub pahnihte inkâr aṭang chuan, amah rawn biain aw chu a hria a; tin, a be ta a.