Read Mizo_Old_version Zakaria 5 Bible Online

Zakaria 5 - Mizo_Old_version bible

Zakaria 5

¹Tah chuan ka mit ka han lên chho leh a, ka han en a, lehkhabu zial thlâwk duai duai hi ka hmu a.

²Tin, ani chuan ka hnênah, “Eng nge i hmuh le?” a ti a. Kei chuan ka chhâng a, “Lehkhabu zial thlâwk duai duai ka hmu; a dung chu tawng sawmhnih a ni a, a vâng chu tawng sâwm a ni,” ka ti a.

³Tin, ani chuan ka hnênah, “Hei hi ram pum pui chunga ânchhe kal chhuak chu a nih hi; a pang khing khat thu ang zêlin rûkru apiang chu then fai an ni dâwn si a; a lehlam thu ang zêlin chhechham apiang pawh then fai an ni bawk ang.

⁴‘Ka kal chhuahtîr ang a, rûkru inah leh ka hming chhâla dik lo taka chhechhamtu inah te chuan a lût ang a, an in chhûngah chuan a awm reng ang a, a thingphel te, a lungte chawpin a tiral vek ang,’ tih hi sipaihote LALPA thuchhuak a ni,” a ti a.

⁵Tin, vântirhkoh mi betu chu a kal chhuak a, ka hnênah, “Tûnah i mit han lên chho la, kal chhuak ta kha eng nge ni en teh,” mi ti a.

⁶Tin, kei chuan, “Eng nge ni?” ka han ti a. Ani chuan, “Hei hi a ni bâwm kal chhuak ta kha,” a ti a. Amah vêkin, “Hei hi ram pum puia an khawlohna chu a ni,” a ti a.

⁷Suan talent khata rita chhin chu a hawng a, bâwm chhûngah chuan hmeichhe pakhat a ṭhu a.

⁸Tin, ani chuan, “Hei hi Suaksuali chu a ni,” a ti a, bâwm chhûngah chuan a nem lût a; tin, suan rit tak chuan a chhîn ta a.

⁹Tah chuan ka mit chu ka han lên chho va, ka han en a, hmeichhe pahnih lo kal chhuak ka hmu a, an thlaah chuan thli a awm a; thla chu vacha thla ang hi an nei a ni. Tin, bâwm chu lei leh vân kârah an chawi kâng ta a.

¹⁰Tin, kei chuan vântirhkoh mi betu hnênah chuan, “Bâwm chu hêng mite hian khawi lamah nge an kalpui dâwn?” ka ti a.

¹¹Ani chuan ka hnênah, “Sinar rama a tâna in sakna tûr lamah chuan; tin, in chu peih a nih hun chuan chutah chuan ama hmun ngeiah an dah ang,” a ti a.