Read Mizo_Old_version Malakia 4 Bible Online

Malakia 4 - Mizo_Old_version bible

Malakia 4

¹“Ngai teh u, ni chu a lo thleng e, Rawhtuina mei angin a kâng a ni; Mi chapo zawng zawngte leh sual titu zawng zawngte chu Buhpâwl an ni ang a, chu ni lo thleng chuan anmahni a kâng ang; Zung leh zâr chenin a zuah lo vang,” sipaihote LALPA chuan a ti.

²“Nangni ka hming ṭihtute tân erawh chuan Felna ni, a thlaa tihdamna nên a lo chhuak ang a, In kal chhuak ang a, bâwngnote hrên lai Thaukhawh angin in tualchai ang.

³Mi suaksualte chu in rap bet ang a; Ni ka ruatah chuan in kephah hnuaia meivâp an ni dâwn si a,” Sipaihote LALPA chuan a ti.

⁴“Ka chhiahhlawh Mosia dân, Horeb tlânga a hnêna ka thupêk, Israel mi zawng zawng tâna thuruatte leh Rorêlnate kha hre reng rawh u.

⁵Ngai teh u, LALPA ni ropui leh râpthlâk tak a lo thlen hmain, Zâwlnei Elija chu in hnênah ka rawn tîr ang.

⁶Ani chuan pa leh fate inkârah Inrem lehna a thlentîr ang; Chuti a nih loh chuan, ka lo kal ang a, Anchhiain lei hi ka nghaisa dah ang e.”