Read Mizo_Old_version KHUAA MITE HNENA TIRHKOH PAULA LEHKHATHAWN PAKHATNA THESSALONIKA 5 Bible Online

KHUAA MITE HNENA TIRHKOH PAULA LEHKHATHAWN PAKHATNA THESSALONIKA 5 - Mizo_Old_version bible

KHUAA MITE HNENA TIRHKOH PAULA LEHKHATHAWN PAKHATNA THESSALONIKA 5

¹Amaherawhchu, unaute u, a hun leh a ni kawng thute rêng ziaksak che u in ngai lo ve.

²Lalpa Ni chu zânah, rûkru angin a lo thleng dâwn tih nangmahni ngeiin chiang takin in hre si a.

³“Muanna leh himna,” tia an sawi lai takin, hmeichhe nau vei angin, chawplehchilha boralna an chungah a thleng ang a, an pumpelh tawp lo vang.

⁴Nimahsela, unaute u, nangni zawng chumi ni chuan rûkru anga a nanna tûr che uin thimah in awm lo ve;

⁵êng fate leh ni fate in ni vek si a; zâna mi kan ni lo va, thima mi kan ni hek lo.

⁶Chuvângin, mi dangte angin i muhîl suh ang u khai, i mengin i ngaihven zâwk ang u.

⁷Muhîlte chu zânah a ni an muthilh ṭhin ni; zu ruite pawh 3 zânah a ni an ruih ṭhin ni.

⁸Nimahsela, keini zawng chhûna mi kan nih avâng hian rinna leh hmangaihna âwmphaw chu hain, chhandam beiseina chu lukhuma hmangin i ngaihven zâwk ang u.

⁹Pathianin thinurna tuar tûr ni lovin, kan Lalpa Isua Krista zâra chhandamna hmu tûr zâwkin min ruat a ni si a;

¹⁰kan men pawhin, kan muthilh pawhin, amah nêna kan nun tlân theih nân ani chu kan thih aiin a thi a ni.

¹¹Chuvângin, infuih tawnin, intisâwt tawn ṭheuh rawh u, in tih rêng ṭhin ang hian.

¹²Nimahsela, unaute u, in zînga thawk rim leh, Lalpaa in hotua awm leh, zilhtute che u chu hre tûr leh, an hnathawh vânga hmangaiha ngaihlu êm êm tûrin kan ngên che u a ni. Inremin awm rawh u.

¹⁴Tin, unaute u, kan ngên a che u, dân ang lova awmte chu zilh ula, rilru tête chu fuih ula, chak lote chu ṭanpui ula, mi zawng zawng lakah dawhthei takin awm rawh u.

¹⁵Tu mân tu sual pawh suala thungrûl lo tûrin fîmkhur rawh u; in thil intihsak tawnna lamah leh, mi zawng zawng chunga in tihsakna lamah pawh, a ṭha apiang ûm fo zâwk rawh u.

¹⁶Lâwm fo ula;

¹⁷bâng lovin ṭawngṭai ula;

¹⁸engkimah lâwm thu hril rawh u; chu chu nangmahni lam thu-ah Krista Isuaah chuan Pathian duh zâwng a ni si a.

¹⁹Thlarau chu timit suh ula;

²⁰thuhrilte hmusit suh u;

²¹engkim fiah zâwk ula; a ṭha apiang pawm tlat ula;

²²sual tinrêng lakah inthiarfihlîm rawh u.

²³Tin, remna Pathian ngei chuan in pumin tithianghlim che u rawh se; tin, in thlarau leh, in rilru leh in taksa chu kan Lalpa Isua Krista lo kal hunah chuan, sawisêl bovin a puma humhimin awm rawh se.

²⁴A kotu che u chu a rinawm a, tih pawh a ti bawk ang.

²⁵Unaute u, min ṭawngṭaisak rawh u.

²⁶Unau zawng zawngte kha fawh thianghlimin chibai mi bûksak rawh u.

²⁷He lehkha hi unau zawng zawng hnêna chhiar tûrin Lalpa hmingin ka ngên a che u.

²⁸Kan Lalpa Isua Krista khawngaihna chu in hnênah awm rawh se.