Read Mizo_Old_version Josua 19 Bible Online

Josua 19 - Mizo_Old_version bible

Josua 19

¹Tin, ṭhumvâwr vawi hnihna chu Simeona chungah, Simeona thlahte hnam chungah an chhûngkaw zir zêlin a tlu leh ta a. An chanpual chu Juda thlahte chanpual zîngah a tel ve a ni.

²An chanpuala tlute chu Beer-seba (Seba emaw) te, Molada te,

³Hazar-sual te, Bala te,

⁴Eltolad te, Bethul te, Horma te,

⁵Ziglag te, Beth-markaboth te, Hazar-susa te,

⁶Beth-lebaoth te, Saruhen te: khawpui sâwm leh pathum a khawperte nên;

⁷Ain te, Rimon te, Ether te, Ashan te: khawpui pali a khawperte nên;

⁸chûng khawpui vêla khawper zawng zawng Baalath-beer, Chhim Rama thlengin. Chûng chu a ni, Simeona thlahte hnam an chhûngkaw zir zêla an chanpuala ruat chu.

⁹Simeona thlahte chanpual chu Juda thlahte chan zînga mi a ni, Juda thlahte chanpual chu an tân a zau lutuk si a. Chuvângin, Simeona thlahte chanpual chu an chan zîngah a tel ve a ni.

¹⁰Tin, ṭhumvâwr vawi thumna chu Zebuluna thlahte chungah an chhûngkaw zîr zêlin a tlu leh ta a; tin, an chanpual ramri chu Sarid thlengin a ni.

¹¹An ramri chu thlang lampangah Marala thleng rakin a kal zêl a, Dabeseth an va thleng a, Jokneam bula luitê a va thleng a.

¹²Tin, Sarid aṭangin chhak lampang ni chhuahna lamah Kisloth-tabor ramri thlengin a kawi chho va, Daberath-ah a chhuak a, Japhia-ah a chho leh a.

¹³Tin, chuta ṭang chuan chhak lampangah Gath-hepher leh Eth-kazin-ah a kal zêl a, Nea lam panin Rimon-ah a chhuak a.

¹⁴Tin, ramri chu hmâr lamah Hannathon-ah a kual phei leh a; tin, a chhuahna chu Iphta-el ruamah a ni.

¹⁵Katath te, Nahalal te, Simron te, Idala te, Bethlehem te: khawpui sâwm leh pahnih a khawperte nên.

¹⁶Chûng chu a ni, Zebuluna thlahte an chhûngkaw zir zêla an chanpuala ruat chu; khawpuite leh a khawperte chu.

¹⁷Tin, ṭhumvâwr vawi lina chu Isakara chungah, Isakara thlahte chungah an chhûngkaw zir zêlin a tlu leh ta a.

¹⁸Tin, an ramri chin chu Jezreel te, Kesuloth te, Sunem te,

¹⁹Hapharaim te, Sion te, Anaharath te,

²⁰Rabith te, Kision te, Ebez te,

²¹Remeth te, En-ganim te, En-hada te, Beth-pazez te thlengin a ni.

²²Tin, ramri chuan Tabor te, Sahazuma te, Beth-semes te a va thleng a; tichuan, an ramri chhuahna chu Jordan-ah a ni: khawpui sâwm leh paruk a khawperte nên.

²³Chûng chu a ni, Isakara thlahte hnam chhûngkaw zir zêla an chanpuala ruat chu; khawpuite leh a khawperte chu.

²⁴Tin, ṭhumvâwr vawi ngana chu Asera thlahte hnam chungah an chhûngkaw zir zêlin a tlu leh ta a.

²⁵Tin, an ramri chin chu Helkath te, Hali te, Beten te, Aksaph te,

²⁶Alamelek te, Amad te, Misal te a ni; thlang lampangah Karmel leh Sihor-libnath a zuk thleng a.

²⁷Ni chhuahna lampangah Beth-dagon-ah a kual chho va; tin, Zebulun leh hmâr lampangah Iphta-el ruamah Beth-emek leh Neiel a va thleng a; tin, vei lampangah Kabul te,

²⁸Ebron te, Rehob te, Hamon te, Kana te, Zidon ropui thleng rakin a kal zêl a.

²⁹Tin, ramri chu Rama-ah leh Tura khawpui kulh neiah a kual phei a; tin, ramri chu Hosa-ah a kual phei zêl a, a chhuahna chu Akzib ram tuifinriatah a ni.

³⁰Uma te, Aphek te, Rehob te: khaw sawmhnih leh pahnih a khawperte nên.

³¹Chûng chu a ni, Asera thlahte hnam an chhûngkaw zir zêl an chanpual chu; chûng khawpuite leh a khawperte chu.

³²Tin, ṭhumvâwr vawi rukna chu Naphtalia thlahte chungah an chhûngkaw zîr zêl bawkin, Naphtalia thlahte chungah a tlu leh ta a.

³³Tin, an ramri chin chu Heleph aṭang te, Zaananim-a sasua aṭang te, Adami-nekeb leh Jabneel aṭangtea Lakum thleng a ni; a chhuahna chu Jordan-ah a ni.

³⁴Ramri chu thlang lampangah Aznoth-tabor-ah a chhuk a, chuta ṭangin Hukok-ah a kal a; tin, chhim lamah Zebulun a va thleng a, thlang lamah Aser a thleng a, ni chhuahna lamah Judai rama Jordan a han thleng a.

³⁵Tin, khawpui kulh neite chu Zidim te, Zer te, Hamath te, Rakath te, Kinereth te,

³⁶Adama te, Rama te, Hazor te,

³⁷Kedes te, Edrei te, En-hazor te,

³⁸Iron te, Migdal-el te, Horem te, Beth-anath te, Beth-semes te a ni: khawpui sâwm leh pakua a khawperte nên.

³⁹Chûng chu a ni, Naphtalia thlahte hnam an chhûngkaw zir ang zêla an chanpual chu, khawpuite leh a khawperte nên.

⁴⁰Tin, ṭhumvâwr vawi sarihna chu Dana thlahte hnam chungah an chhûngkaw zir zêlin a tlu ta a.

⁴¹Tin, an chanpual ramri chu Zora te, Estaol te, Ir-semesh te,

⁴²Saalabin te, Aijalon te, Ithla te,

⁴³Elon te, Timna te, Ekron te,

⁴⁴Elteke te, Gibethon te, Baalath te,

⁴⁵Jehud te, Bene-berak te, Gath-rimon te,

⁴⁶Me-jarkon te, Rakon, Jopa dep ramte nên a ni.

⁴⁷Tin, Dana thlahte ramri chuan chûng chu a va pêl a ni; Dana thlahte chuan Lesem an han bei a, an la a; khandaihin an tiboral a, an nei ta a, chutah chuan an awm ta nghâl a ni a. An pu Dana hming chawiin Lesem chu Dan an ti ta a ni.

⁴⁸Chu chu a ni, Dana thlahte hnam an chhûngkaw zir zêla an chanpual chu; chûng khawpuite leh a khawperte nên.

⁴⁹Chutichuan, an chanpual atâna ramri siam ang zêlin ram chu an sem zo ta a; tichuan, Israela thlahten Nuna fapa Josua chu an zîngah chanpual an siamsak ve a.

⁵⁰LALPA thupêk angin Ephraim tlâng rama a khawpui dîl Timnath-sera khua ngei chu an pe a; tin, khawpui chu a siam a, chutah chuan a awm ta a.

⁵¹Chûngte chu a ni, puithiam Eleazara te, Nuna fapa Josua te leh Israela thlahte hnam chhûngkaw puipaten Silo-a LALPA hmaah inbiakna puan in kawngkaa ṭhumvâwra an rochan atâna an sem tâkte chu. Chutichuan, ram ṭhen chu an zo ta a ni.