Read Mizo_Old_version HNENA TIRHKOH PAULA LEHKHATHAWN PAHNIHNA TIMOTHEA 3 Bible Online

HNENA TIRHKOH PAULA LEHKHATHAWN PAHNIHNA TIMOTHEA 3 - Mizo_Old_version bible

HNENA TIRHKOH PAULA LEHKHATHAWN PAHNIHNA TIMOTHEA 3

¹Tin, hei hi hre rawh, ni hnuhnûngahte chuan hun khirh takte a lo awm ang.

²Mi, mahni inhmangaihtu te, tangka ngainatu te, intivei te, chapo te, Pathian sawichhetu te, nu leh pa thu awih lo te, lâwm nachâng hre lo te, thianghlim lo te,

³hmangaihna pianpui nei lo te, huaikawm bâwl te, hêktu te, insûm thei lo te, mi kawlhsen te, ṭha duh hauh lo te,

⁴vervêk te, thuhnu dâwn lo te, inngaihlu te, Pathian hmangaih aia mahni lâwmna mai hmangaih zâwktu te an ni dâwn si;

⁵Pathian ngaihsak anna an nei ang a; nimahsela, a thiltihtheihna chu an awih lo vang; chûng ang chu hawisan rawh.

⁶Chûng zînga mite chu mi inahte lûta, sual rit phur hmeichhe â deuhte sala man ṭhîntute kha an ni si; chutiang hmeichhiate chu châkna tinrênga hruai bo,

⁷zir fo sia thutak hre phâk ngai lote an ni.

⁸Tin, Jannia leh Jambrian Mosia an dodal ang khân, chûng mite pawh chuan thutak hi an dodâl ṭhîn; rilru chhe tawh, rinna kawngah chuan Pathian duh loh zâwng mi an ni.

⁹Nimahsela, chûng aliam chu an ti lo vang, an âtzia mi zawng zawng hnênah a lo lang dâwn si a, Jannia leh Jambria âtzia a lo lang ang khân.

¹⁰Nang erawh chuan ka zirtîrna te, ka awm dân te, ka thiltum te, ka rinna te, ka dawhtheihna te, ka hmangaihna te, ka chhelna te,

¹¹mi min tihduhdahna te, ka tuarna te i hre hle mai; Antiokei khuaah te, Ikonion khuaah te, Lustra khuaah te ka chunga thil thleng leh tihduhdah ka tuarnate kha; chûng zawng zawngah chuan Lalpa chuan mi chhandam ta si a.

¹²A ni, tu pawh Krista Isuaa Pathian ngaihsaka awm tum apiang chuan tihduhdahnate an tuar bawk ang.

¹³Mi sual leh tihdertute erawh chu mi bum leh buma awmin an sual zual deuh deuh vang.

¹⁴Nimahsela, nang zawng, tu hnêna zir nge i nih leh, Krista Isuaa rinna awm avâng chuan, chhandamna hmu khawpa tifing thei che Lehkha Thianghlimte chu i naupan têt ata hre tawh i ni tih inhriain, i thil zir leh i thil hriat chianahte chuan awm reng rawh.

¹⁶Pathian Lehkha Thu zawng zawng hi Pathian thâwk khuma pêk a ni a, zirtîr kawngah te, thiam loh chantîr kawngah te, zilh kawngah te, felna zirtîr kawngah te a sâwt bawk a ni;

¹⁷Pathian mi chu hna ṭha tinrêng thawk tûra kim taka inthuamin a famkim theih nân.