Read Mizo_Old_version LEHKHATHAWN JAKOBA 3 Bible Online

LEHKHATHAWN JAKOBA 3 - Mizo_Old_version bible

LEHKHATHAWN JAKOBA 3

¹Ka unaute u, in zînga mi tam tak hi zirtîrtuahte lo awm suh u, zirtîrtuin rorêlna nasa lehzual kan tâwk ang tih kan hre si a.

²Kan zain thil tam tak kan tisual fo ṭhîn. A thusawia tisual ngai lo mi chu mi puitling a ni a, a taksa pum pawh vêng thei mi a ni.

³Ngai teh u, kan thu an awih theih nân sakawr kaahte thîrbarh kan barh chuan, an taksa pum pawh kan kai her ṭhîn.

⁴Ngai teh u, lawngte pawh hi a lian hle a, thli na tak chhêm lênin a awm ṭhîn na a, a tihertu chuan a kaltîr duhna lam apiangah tihherna tê tak têin a tiher ṭhîn.

⁵Chutiang bawkin lei pawh hi taksa pêng tê tak tê a ni a, nasa takin a uang ṭhîn. Ngai teh u, mei tê tak têin thing a va tikâng nasa êm!

⁶Tin, lei hi mei a ni; kan taksa pêngte zînga khawlohna hlâwm chu lei hi a ni; chu chuan taksa a pumin a tibawlhhlawh a, pianpui tawlailîr chu a tikâng a, amah chu hremhmun tihkan a ni.

⁷Sa chi tinrêng te, sava chi tinrêng te, rannung chi tinrêng te, tuifinriata mi chi tinrêng te hi khawi ngam theih an ni si a, mihringte khawi ngamin an awm bawk a;

⁸amaherawhchu, lei hi tu mahin an khawi ngam thei lo a ni; thihna hlova khat, sual awm hle hle thei lo a ni.

⁹Chu chuan Lalpa leh Pa kan fak ṭhîn a; chu vêk chuan Pathian anga siam mihringte chu ânchhia kan lawh bawk ṭhîn a ni.

¹⁰Ka hmun khat aṭangin fakna leh ânchhe lawhna a chhuak ṭhîn. Ka unaute u, chûng thil chu chutiang tûr a ni lo ve.

¹¹Tuikhur hian hna hmun khatah tui tui leh tui tui lo a tichhuak ṭhîn em ni?

¹²Ka unaute u, theipui kûngah olive thei a rah thei em ni? A nih loh leh grêp hruiah theipui a rah thei em ni? Chutiang bawkin chi khur hian tui al lo a tichhuak thei hek lo.

¹³In zîngah tu nge finga thu hre thei awm? Thuhnuairawlh tak leh fing takin a thiltihte chu awm dân ṭhatin entîr rawh se.

¹⁴Nimahsela, in thinlungah îtsîkna nasa tak leh inelna in neih chuan, thu dik uan khum suh ula, thu dik dodâlin dâwt sawi hek suh u.

¹⁵Chu finna chu chung lam aṭanga lo chhuk chu a ni lo va, khawvêl leh taksa châkna leh ramhuaia mi a ni zâwk e.

¹⁶Inîtsîkna leh inelna awmnaah chuan buaina leh suahsualna tinrêng a awm ṭhîn.

¹⁷Chung lam aṭanga finna lo chhuak erawh chu a tîrin a thianghlim phawt a, chumi hnuah chuan inrem a duh a, a nunnêm a, a tihnuam a, zahngaihna leh rah ṭhain a khat a, thlei bîk a nei lo va, a vervêk lo a ni.

¹⁸Felna rah chu remna siamtute tân remnain tuh a ni.