Read Mizo_Old_version LEHKHATHAWN PAKHATNA PETERA 1 Bible Online

LEHKHATHAWN PAKHATNA PETERA 1 - Mizo_Old_version bible

LEHKHATHAWN PAKHATNA PETERA 1

¹Petera, Isua Krista tirhkoh chuan Ponto ram te, Galatia ram te, Kappadokia ram te, Asia ram te, Bithunia ram tea Darhho awm, awih tûr leh Isua Krista thisen theh dawng tûra Thlarau tihhrana, Pa Pathian hriat lâwk anga thlante hnênah chuan: In chungah khawngaihna leh remna tihpunin awm rawh se.

³Kan Lalpa Isua Krista Pathian leh Pa chu fakin awm rawh se. Ani chuan a khawngaihna nasa tak ang zêlin, mitthi zîng ata Isua Krista thawhlehna avângin beiseina nung hmu tûrin min hring leh a,

⁴rochan chhe thei lo, bawlhhlawh kai lo, chuai thei lo, vâna in tâna khêk chu, hmuhna tûrin;

⁵chhandamna, hun hnuhnûnga lang tûra peih sa chu hmu tûrin, rinna avângin Pathian thiltihtheihnaa vên chu in ni.

⁶Chumiah chuan nasa takin in hlim a ni, tûnah (a ṭûl chuan) thlêmna tinrêng avângin lungngai rih mah ula;

⁷in rinna fiahna, rangkachak meia fiah hnu pawha boral ṭhîn aia hlu zâwk chu, Isua Krista inlâr hunah chuan fakna leh chawimawina leh ropuina tûr a lo nih theih nân.

⁸Amah chu hmu ngai lo pawhin in hmangaih a, amah chu tûnah hmu lo mah ula in ring a, lâwm sawi hleih theih loh leh ropui takin in hlim êm êm ṭhîn;

⁹in rin chhan - in thlarau chhandamna chu - hmuin.

¹⁰In chunga khawngaihna lo thleng tûr thu hril lâwktu zâwlneiten, Krista Thlarau anmahnia awm chuan Krista tuarna tûrte chu a hriat lâwktîr laite khân, eng hun nge ni, eng ang hun nge ni a hriattîr ṭhin tih chhui chhuah tumin, chu chhandamna chanchin chu an zawng a, ngun takin an chhui ṭhîn.

¹²Chûng thu chuan mahni rawng inbâwl lovin, nangmahni rawng an bâwl zâwk tih an hnênah hriattîr a ni tawh, chûng thu chu vân aṭanga tirh chhuah Thlarau Thianghlim ṭanpuiin, Chanchin Ṭha hrilhtu che u khân tûnah an hrilh che u a; chûng thil chu vântirhkohten bih an duh ṭhîn a ni.

¹³Chuvângin, in rilru puan vengin ngaihven ula, Isua Krista inlâr hunah chuan khawngaihna a rawn kensak tûr che u chu, beidawng lovin beisei zêl rawh u;

¹⁴fa tihawihte angin, in hriat loh laia in hmânlai châknate anga awm lovin;

¹⁵a kotu che u a thianghlim angin, nangni pawh in chêtzia zawng zawngah lo thianghlim zâwk rawh u;

¹⁶“Nangni in thianghlim tûr a ni, kei ka thianghlim si a,” tih ziak a nih kha.

¹⁷Tin, thlei bîk nei lova mi tin hnathawh ang ṭheuhva ngaihtuah ṭhîntu chu Pa anga in lam chuan, heta in châm chhûng zawng ṭih dêkin awm rawh u.

¹⁸In thlahtute pêk chhâwn, in awm dân eng khaw ni lawilo lak ata chu thil chhe thei, tangkarua leh rangkachaka tlan in ni lo va, berâmno hmêlhem lo leh bawlhhlawh kai lo, Krista thisen hlu chuan tlan in ni zâwk tih in hre si a;

²⁰ani chu leilung pian hmain ruat lâwkin a awm ngei mai; nimahsela, hun hnuhnûngahte hian nangmahni avângin inlârin a awm a;

²¹amah avângin mitthi zîng ata kaithotu leh ropuina petu Pathian ringtute in ni a, in rinna leh in beiseina chu Pathianah a awm theih nân.

²²Unaute hmangaih tak tak tûrin, thutak zâwma in thlarau in tihthianghlim tawh avângin, thinlunga ṭhahnemngai takin inhmangaih tawn rawh u;

²³chi chhe thei lakah ni lovin, Pathian thu nung reng leh awm rengah chuan, chi chhe thei lo laka piang thar in ni zâwk si a.

²⁴“Mi zawng zawng hlobet ang an ni a, An ropuina zawng zawng pawh Hlobet pâr ang a ni. Hlobet chu a vuai a, A pâr chu a tla a;

²⁵Lalpa thu erawh chu Chatuanin a awm reng a ni,” tih a ni si a. Chu chu a ni Chanchin Ṭha thu an hrilh che u kha.