Read Mizo_Old_version LEHKHATHAWN PAKHATNA JOHANA 3 Bible Online

LEHKHATHAWN PAKHATNA JOHANA 3 - Mizo_Old_version bible

LEHKHATHAWN PAKHATNA JOHANA 3

¹Ngai teh u, Pain min hmangaihna chu a va nasa êm! “Pathian faahte” min vuah tâk hi; chutiang chu kan ni rêng e. Hemi avâng hian khawvêlin min hre lo a ni, amah chu an hriat loh avângin.

²Duh takte u, tûnah hian Pathian fate kan ni a, engtin nge kan la awm dâwn tih erawh chu a la lang rih lo ve; amah a lo inlâr chuan amah angin kan awm dâwn tih zawng kan hria, amah chu a awm pângngai ang takin kan hmu dâwn si a.

³Tu pawh ama chunga chumi beiseina chu nei apiangin, amah a thianghlim angin a intithianghlim ṭhîn.

⁴Tu pawh thil tisual apiangin dân pawh a bawhchhe ṭhîn; sual hi dân bawhchhiatna a ni si a.

⁵Amah chu sualte la bo tûrin a lo lang tawh tih in hria e; amahah chuan sual eng mah a awm si lo va.

⁶Tu pawh amaha awm reng chuan thil a tisual lo; tu pawh thil tisual chuan amah chu a hmu lo va, hriat pawh a hre hek lo.

⁷Naute u, tu ma bumin awm suh u; felna titu chu a fel a ni, amah a fel ang bawkin.

⁸Thil tisualtu chu Diabola aṭanga chhuak a ni; Diabola chuan a tîr ata thil a tisual si a. Pathian Fapa lo lan chhan ber chu Diabola hnathawhte a tihboral theih nân a ni.

⁹Tu pawh Pathian hrin chuan Pathian chi amahah a awm reng avângin thil a tisual ṭhîn lo; Pathian hrin a nih avângin thil a tisual thei hek lo.

¹⁰Hemiah hian Pathian fate leh Diabola fate a hriat a ni; tu pawh felna ti lo chu Pathian aṭanga chhuak a ni lo, a unau hmangaih lova pawh chu Pathian aṭanga chhuak a ni hek lo.

¹¹Hei hi a tîr ata thuchah in hriat kha a ni si a, kan inhmangaih tawn ṭheuh tûr a ni, tih hi;

¹²Kaina, mi sual laka mi, mahni unau thattu ang khân awm lovin. Eng vângin nge a thah tâk le? Ama thiltihte a suala, a unau thiltihte a fel avângin.

¹³Unaute u, khawvêlin an huat che u chuan mak ti suh u.

¹⁴Unaute kan hmangaih avângin thihna ata kan chhuak a, nunnaah kan lût tawh tih kan hria e. Tu pawh hmangaihna nei lo apiang thihnaah a la awm reng a ni.

¹⁵Tu pawh a unau hua chu tualthat a ni: tualthattu tu mah chatuana nunna pai rêng rêng an awm lo tih in hre si a.

¹⁶Hemiah hian hmangaihna chu eng nge a nih kan hria, amah chuan kan tân a nunna a pêk tâk avângin; keini pawhin unaute tân kan nunna kan pe ve tûr a ni.

¹⁷Nimahsela, tu pawhin khawvêl sum neiin a unau tlachhamin hmu sela, ani chu lainat si suh sela, Pathian hmangaihna chu amahah engtin nge a awm ang?

¹⁸Naute u, thu chauhvin i hmangaih suh ang u khai, lei chauhvin i hmangaih hek suh ang u, thiltih leh tihtakzetin ni zâwk rawh se.

¹⁹Chumiah chuan thutaka mi kan ni tih kan inhria ang a, kan rilruin thiam loh min chantîrna kawngah chuan, ama mit hmuh ngeiah kan rilru kan thlêm dai bawk ang; Pathian chu kan rilru aiin a ropui zâwk a, engkim a hre si a.

²¹Duh takte u, kan rilruin thiam loh min chantîr loh chuan Pathian lamah kan huai a ni;

²²tichuan, a thupêkte kan zawma, a mit hmuha thil lâwmawm kan tih ṭhin avângin, kan dîl apiang a hnên ata kan hmu zêl ṭhîn a ni.

²³Tin, a thupêk chu hei hi a ni, a Fapa Isua Krista hming ring ila, aman thu min pêk angin inhmangaih tawn bawk ila.

²⁴A thupêkte zâwm chu amahah a awm reng a, amah pawh chu amahah a awm reng bawk a ni. Tin, hemiah hian amah chu keimahniah a awm reng tih kan hria, Thlarau min pêkah hian.