Read Mizo_Old_version LEHKHATHAWN PATHUMNA JOHANA 1 Bible Online

LEHKHATHAWN PATHUMNA JOHANA 1 - Mizo_Old_version bible

LEHKHATHAWN PATHUMNA JOHANA 1

¹Upa chuan, Duh tak Gaia, tihtakzeta ka hmangaiha hnênah chuan:

²Duh tak, i thlarau chuan malsâwmna a hmuh angin, engkimah malsâwmna i hmuh leh i dam theih nân ka ṭawngṭai ṭhîn a ni.

³Unaute lo kalin i takzia (thutaka i awm ṭhinzia chu) mi rawn hriattîr lai khân ka lawm êm êm si a.

⁴Ka fate thutakah an awm tih ka hriat aliama lâwmna nasa zâwk rêng ka nei lo ve.

⁵Duh tak, unaute chu mikhual ni mah sela, an chunga i tih apiangah rinawm takin i ti ṭhîn a;

⁶chûng mite chuan kohhran hmaah i hmangaihna an hriattîr tawh; anni chu an zinnaah chuan Pathian mi ni âwm rênga i puihbawm chuan a ṭha ang.

⁷Hming avâng hian Jentailte hnên ata eng mah la lovin an lo thawk chhuak si a.

⁸Chutichuan, thutak thawhpuitute kan nih theih nân chutiang mi chu keinin kan lâwm tûr a ni.

⁹Kohhran hnênah khân thu tlêm chu ka ziak tawh; nimahsela, Diotrepha, an zînga chungnun duh ṭhîn khân mi lâwm si lo.

¹⁰Chuvângin, ka lo kal chuan a thiltihte ka hriat chhuahtîr leh ang, kan chungah thu sual sawiin a kamtamzia hi; chu pawh chu tâwk a ti lo va, amah ngeiin unaute a lâwm lo va, a lâwm duhte pawh a khap a, kohhran zîng ata a hnawt chhuak ṭhîn.

¹¹Duh tak, sual chu zir suh la, ṭha chu zir zâwk ang che. Thil ṭha titu chu Pathian laka mi a ni; thil sual titu chuan Pathian a hmu ngai lo.

¹²Demetria chuan mi zawng zawng fak a hlawh a, thutaka fak ngei a hlawh bawk a; a ni, keini pawhin kan fak a ni; kan fakna hi a dik a ni tih i hria e.

¹³I hnênah thu tam tak ziak tûr ka nei a; nimahsela, lehkhatui leh lehkhaziaknain i hnêna ziak ka duh lo va;

¹⁴rei lo tê chinah hmuh che ka beisei zâwk a; tichuan, inhmatawnin kan inbia ang.

¹⁵Thlamuanna i chungah awm rawh se. Kan ṭhianten chibai an bûk a che. An hming lam ṭheuhvin ṭhiante chu chibai mi bûksak ang che.