Read Mizo_Old_version JOHANA HNENA ISUA KRISTA THU PUAN CHHUAH 18 Bible Online

JOHANA HNENA ISUA KRISTA THU PUAN CHHUAH 18 - Mizo_Old_version bible

JOHANA HNENA ISUA KRISTA THU PUAN CHHUAH 18

¹Chûng hnuah chuan vântirhkoh dang, thuneihna nasa tak neiin vân ata lo chhuk ka hmu a; a ropuinain lei chu a ên ta vek a.

²Tin, ani chuan aw ring takin, “Babulon khaw ropui chu a tlâwm ta, a tlâwm ta, ramhuaite awmna leh, thlarau bawlhhlawh tinrêng kulhbîng leh sava bawlhhlawh leh tenawm tinrêng kulhbîng a lo ni ta.

³A mi ngaih chîn vânga thinurna uain chu hnam zawng zawngin an in tawh si a; leia lalte chuan ani chu an ngai ṭhîn a, leia sumdâwngtute chuan a nawmsak bâwl lutukna chu an hausak phah ṭhîn,” tiin a au va.

⁴Tin, vân aṭangin aw dangin heti hian a sawi ka hria: “Ka mite u, a sualnaahte in tel lohna tûr leh, a hremnate in hmuh ve lohna tûrin, a chhûng ata chhuak rawh u.

⁵A sualnate chuan vân pawh a tawng ta hial a, Pathianin a thiltih fel lote pawh chu a hre reng si a.

⁶Anin a pêk ang ngei khân pe thung ula, a thiltih ang zêl chu a leh hnihin thungrûl ula, a chawhpawlhna novah chuan a tân a leh hnihin chawhpawlhsak rawh u.

⁷A intihropui leh a intihnawmsak ang zêl khân nghaisain tilungngai thung rawh u; a rilru chuan, ‘Lalnuah ka ṭhu a ni, hmeithai rêng ka ni lo va, lungngaihna ka hmu hauh lo vang,’ a ti si a.

⁸Chuvângin, ni khat chauhvah a hremna - thih te, lungngaih te, ṭâm te chu - a lo thleng vek ang; meia hâl ralin a awm bawk ang; a rorêltu Lalpa Pathian chu a chak si a.

⁹“Tin, leia lal, a ngai ṭhînte leh nawmsak bâwlpui ṭhînte chuan, a kâng khu chu an thlîr hunah chuan, ‘Babulon khaw ropui, khaw nghet chu a chung a pik e, a pik e! Dârkâr khat chauhvah i chungah rorêlna chu a lo thleng ta si,’ tiin, nghaisakna a tuar chu hlauh vânga hla taka dinga, a chunga ṭapin an âwm an inchûm ang.

¹¹“Tin, leia sumdâwngtute chu a chunga ṭapin an lungngai a, tu mân an sum an lei tâk loh avângin.

¹²An sumte chu rangkachak te, tangkarua te, lung man tam te, tuikeplung te, puan zai sîn te, puan senduk te, maimaw puan te, puan senlâr te nên; thing rimtui tinrêng te, saingho bungbêl tinrêng te, thing hlu tak tak leh dâr leh thîr leh sailungvâra siam bungbêl tinrêngte nên;

¹³thakthîng te, englo rimtui te, englo rimtui hâl mi te, hriak rimtui te, beraw te, uain te, olive hriak te, chhangphut dip tak te, buh te, sebâwng te, berâm te nên; sakawr te, tawlailîr te, bawih te nên; mihring nunna te nên a ni.

¹⁴Rah i thinlungin a châkte chuan a kal bosan chia, thil tuihnai leh mawi zawng zawng chuan a boralsan chia, tu mân an hmu leh tawh tawp lo vang.

¹⁵“Chûng thila sumdâwngtu, amah avânga lo hausate chuan, ‘Khaw ropui, puan zai sîn leh puan senduk leh puan senlâr sina, rangkachak leh lung man tam leh tuikeplunga incheii chu a chung a pik e, a pik e! Dârkâr khat chauhvah sum chuti zozai chu engmahlo a lo nih tâk hi,’ tiin, ṭap leh lungngai chungin a nghaisakna hlauh vângin hla takah an ding ang. “Tin, lawng hotu apiang te, lawnga kal ṭhîn apiang te, lawng mi te, tuifinriata hnathawk apiang te chu hla taka dingin,

¹⁸a kâng khu chu thlîr chungin, ‘He khaw ropui tluk hi khawii khua nge awm ang?’ tiin an au va.

¹⁹Tin, ṭap leh lungngai chungin, ‘A muk avânga tuifinriata lawng neitute hausakna khaw ropui chu a chung a pik e, a pik e! Dârkâr khat chauhvah engmahlo a lo nih tâk hi!’ tia auvin, an lu vaivutin an theh a.

²⁰“Aw, vân leh nangni mi thianghlimte, tirhkohte, zâwlneite u, lâwm rawh u; ani chuan in chunga ro a rêlna chuan Pathianin a chungah ro a rêl ve tâk hi,” tiin.

²¹Tin, vântirhkoh chak tak hian buh râwt sawmna lung lian pui ang hi lung a la a, tuifinriatah a paih thla a, “Babulon khaw ropui chu hetianga nasa hian paih thlâk a ni ang a, tu mân an hmu leh tawh tawp lo vang.

²²Ṭingṭang kaituho te, englo tum thiamho te, phênglâwng tumtuho te, tawtawrâwtpuho te thâwm pawh i chhûngah an hre leh tawh tawp lo vang a; themthiam kawng rêng rênga themthiam te pawh i chhûngah an hmu leh tawh tawp lo vang a; buh râwt sawmna lung ri pawh i chhûngah an hre leh tawh tawp lo vang a;

²³khâwnvâr pawh i chhûngah a êng tawh tawp lo vang a; pasal leh mo thâwm pawh i chhûngah an hre tawh tawp lo vang; i sumdâwngtute chu leia mi liante an ni si a; i dawiin hnam zawng zawng bum an nih kha.

²⁴A chhûngah zâwlneite, mi thianghlimte, leia thah zawng zawngte thisen chu an hmu a,” a ti a.